सिन्धुपाल्चोक पहिरो : थप ३ शव फेला
प्रकाशित मिति : भाद्र ४, २०७७ बिहीबार
गत शुक्रबार बिहान सिन्धुपाल्चोकको जुगल गाउँपालिका–२ लिदीको पहिरामा बेपत्ता भएकामध्ये थप तीनको शव भेटिएको छ । यसअघि २५ जनाको शव भेटिएकामा ११ जना अझै बेपत्ता छन् । पहिरामा परेर ३९ जना बेपत्ता भएका थिए ।
एक बालक र दुई महिलाको आज शव फेला परेको इलाका प्रहरी कार्यालय जलवीरेका प्रहरी निरीक्षक हरि भट्टराईले जानकारी दिनुभयो । पाँच वर्षीय सानुकान्छा दोङ तथा ४२ वर्षीया जिबिरानी दोङ र १८वर्षीया ललिता दोङको शव फेला परेको हो । यससँगै पहिरामा ज्यान गुमाउने २८ जना पुगेका छन् । हालसम्म शव फेला परेकामध्ये १५ पुरूष र १३ महिला छन् । तीमध्ये १४ बालबालिमा मात्रै छन् ।
पहिरामा हराइरहेकाहरूको खोजीमा नेपाली सेना र नेपाल प्रहरीका ६६ जना र स्थानीयवासी जुटेका छन् । एक्साभेटर ल्याउन सकिने अवस्था नरहेकाले पिक, साबेल र कोदालाका भरमा खोजी भइरहेको प्रमुख जिल्ला अधिकारी उमेशकुमार ढकालले जानकारी दिनुभयो ।
यो पनि :-
सिन्धुपाल्चोकमा पहिरो: ४ जनाको शव फेला, बेपत्ताहरुको पहिचान खुल्यो (नामावलीसहित)
सिन्धुपाल्चोकमा पहिरो: चार घाइतेलाई हेलिकप्टरमार्फत काठमाडौँ पठाइयो
सिन्धुपाल्चोकको जुगलमा पहिरो : २२ घर पुरिए, मानवीय क्षतिको आशंका