सिन्धुपाल्चोकको जुगलमा पहिरो : २२ घर पुरिए, मानवीय क्षतिको आशंका
प्रकाशित मिति : श्रावण २९, २०७७ बिहीबार
सिन्धुपाल्चोकको जुगल गाउँपालिका २ लिदिमा पहिरो जाँदा २२ वटा घर पुरिएका छन् । शुक्रबार बिहान करिब ६ बजेतिर आएको पहिरोले घरहरु पुरिएका हुन् ।
पहिरोले घरमा रहेका कति मानिस पुरिए भन्ने यकिन नभइसकेको बताइएको छ । पहिरोमा पुरिएकामध्ये ५ घरका मानिस सम्पर्कविहिन रहेका छन् । हाल खोजी र उद्दारका लागि नेपाली सेनाको हेलिकोप्टर माग गरिएको छ ।