राहत सामग्रीसहित गृहमन्त्री सिन्धुपाल्चोक प्रस्थान
प्रकाशित मिति : श्रावण ३०, २०७७ शुक्रबार
![](https://i0.wp.com/www.khasokhas.com/wp-content/uploads/2020/08/badal.jpg?fit=840%2C472&ssl=1)
गृहमन्त्री रामबहादुर थापा बादल सिन्धुपाल्चोक प्रस्थान गरेका छन् । जुगल गाउँपालिका–२ लिदिका पहिरो पीडितका लागि राहत सामग्री लिएर शुक्रबार दिउँसो त्यसतर्फ प्रस्थान गरेका हुन् ।
नेपाली सेनाको हेलिकप्टरमार्फत् गृहमन्त्री थापासँगै पीडित परिवारका लागि राहत लिएर गृहसचिव महेश्वर न्यौपाने पनि सिन्धुपाल्चोकतर्फ लागेको मन्त्रालयले जनाएको छ ।
शुक्रबार बिहान गएको पहिरोमा परि ५ जनाको मृत्यु भैसकेको छ भने ३३ जना अझै बेपत्ता रहेका छन् । बेपत्ता सबैको पहिचान खुलिसकेको छ । गाउँमाथिबाट आएको पहिरोले ३७ घर पुरिएको छ ।