जो सन् २०२० मा खसोखासमा धेरै पढिए : निमा शेर्पाको अनुभवदेखि ट्रम्पको घोषणासम्म
प्रकाशित मिति : पुस १६, २०७७ बिहीबार
खसोखासले सन् २०२० मा पाठकका लागि कोरोना महामारीबारे विशेष कभरेज प्रस्तुत गर्यो । र खसोखासमा सबैभन्दा बढी पढिएको समाचार पनि धेरैलाई आशा जगाउने खालको थियो ।
सन् २०२० मा खसोखासमा सबैभन्दा बढी पढिएको समाचार न्युयोर्ककी नर्स निमा शेर्पाको कोरोनालाई जीतेको अनुभव थियो । न्युयोर्कमा कोरोनालाई पराजित गरेको नेपाली परिवार – ‘हामीले जित्यौं, कोरोनाले हार्यो’ शीर्षकको उक्त सामाग्री खसोखासमा सन् २०२० मा सबैभन्दा धेरैले पढेको सामाग्री हो ।
न्युयोर्कमा कोरोनालाई पराजित गरेको नेपाली परिवार – ‘हामीले जित्यौं, कोरोनाले हार्यो’
यसमा सबै परिवारलाई कोरोना संक्रमित हुँदा पनि उनले धैर्यता र आशा नगुमाई कसरी सामना गरिन् भन्ने उल्लेख गरिएको् थियो । साथै कोरोनालाई जीत्न सकिन्छ भन्ने सन्देश दिइएको थियो ।
त्यस्तै सन् २०२० मा सबैभन्दा बढी पढिएको समाचार दोश्रो नम्बरमा अध्यामगन सम्बन्धी थियो । जनवरीमा राष्ट्रपति डोनाल्ड ट्रम्पले म्यानमार, इरिटेरिया, क्रिग्रिस्तान, नाइजेरिया, सुडान र तान्जिनियामाथि भिसा प्रतिबन्ध लगाउने घोषणामा हस्ताक्षर गरेको समाचार दोश्रो धेरै पढिएको समाचार हो ।
अमेरिकाबाट थप ६ देशमाथि भिसा प्रतिबन्धको घोषणा, डिभी परेकालाई पनि भिसा नदिइने
तेश्रोमा सबैभन्दा धेरै पढिएको समाचार अमेरिकामा भोकै मर्न लागेको भन्दै भिडियोमा रुने युवकको भनाईबारे खसोखासले गरेको फ्याक्ट चेक थियो । खसोखासले कोरोना महामारीमा गलत सुचनाहरु फैलिन नदिन फ्याक्ट चेक स्तम्भको सुरुवात गरेको थियो । भर्जिनियामा बस्दै आएको तर खानेकुरा नपाएर मर्न लागेको भन्दै एकजना नेपाली युवाको भिडियो सामाजिक सञ्जालहरुमा भाइरल बनेको थियो, जुन पछि गलत भएको पुष्टी भएको थियो ।
फ्याक्ट चेक : के अमेरिकामा भोकै मर्न लागेको भन्दै भिडियोमा रुने युवकको भनाई सत्य छ ?
खसोखासले समुदायका समाचारहरुलाई निकै प्राथमिकता दिदै आएको छ । अमेरिकाको मेरिल्याण्ड राज्यको बाल्टिमोरमा एक नेपाली युवाको सुतेकै अवस्थामा निधन भएको समाचार खसोखासमा सन् २०२० मा सबैभन्दा धेरै पढिएको चौथो नम्बरमा रहेको समाचार हो । हालैमात्र अमेरिकामा बस्ने कानुनी हैसियत प्राप्त गरेका उनले नेपालबाट श्रीमती र छोरी ल्याउने प्रक्रिया गरिरहेका थिए ।
नेपालबाट परिवार ल्याउने प्रक्रियामा रहेका युवाको अमेरिकामा सुतेकै अवस्थामा निधन
र, यो समाचार खसोखासमा सबैभन्दा धेरै पढिएको पाँचौ नम्बरको समाचार हो ।
विमानस्थलमा ८ घण्टा केरकार, अमेरिका छिर्न नदिएरै जहाजमा राखेर फिर्ता
त्यो बाहेक अन्य अध्यागमन समाचारहरु, समुदायका समाचारहरु, कोरोना भाइरस श्रोत केन्द्र र अपडेटहरु पनि पाठकहरुले निकै चासोका साथ पढेका छन् ।