सेवा गर्ने मौका दिनुहोस्, समुदायको अपेक्षा पुरा गर्नेछु : अम्बिका लोहनी शर्मा,उपाध्यक्षको उम्मेद्धवार,नाशा

 

जर्जीया, एटलान्टा ।
दक्षिणपुर्वी अमेरिकामा रहेका नेपालीहरुको संगठन (नाशा) को उपाध्यक्ष पदका उम्मेद्धवार अम्बिका लोहनी शर्माले अमेरिकामा रहेका सबै नेपाली संस्थाहरुविचको एकताका लागी आफुले उम्मेद्धवारि दिएको बताउनु भएको छ ।
गत एकदशकदेखि विभिन्न समाजीक संस्थामा रहि महत्वपुर्ण योगदान दिदै आउनु भएका जर्जीया निवासी शर्माले आठ बुँदे चुनावी घोषणपत्र सार्वजनिक गर्दे आफुले विगतमा नाशामा रहदा अधिसारेका कार्यक्रमहरुलाइ विशेषरुपमा अधि बढाउने बताउनु भयो । “यस क्षेत्रमा रहेका नेपाली संस्थाहरु विचमा समन्वय र एकताको माध्यमबाट नाशालाइ एक छाता संगठनको रुपमा मजबुत बनाउने छु ।” वहाँले भन्नुभयो । विभिन्न आर्थीक, समाजीक तथा पारिवारिक समस्यामा परेका अमेरिका निवासी नेपालीको सहयोगको लागी सामुदायीक सहयोग केन्द्र संचालन गर्ने कुरालाइ विशेष महत्व दिनुभएकी शर्माले, नेपाली संस्कृतीको प्रबर्धनका लागी सांस्कृतीक केन्द्र स्थापना गर्ने, महिला नेतृत्वको विकासको लागी कार्यक्रम संचालन गर्ने र नेपाली समुदायको अमेरिकी मुलधारसंग सहकार्यका लागी पहल गर्ने जस्ता एजेन्डाहरु अधि सार्नुभएको छ ।

नाशामा सहसचिव र कोषाध्यक्षको समेत कार्यभार सम्हाली सक्नुभएकी शर्मा एनआरएनए अमेरिकाको महिला समितिको सदस्य समेत रहिसक्नु भएको छ । सन् २००८मा अक्लोहामा विश्वविद्यालयको नेपाली विद्यार्थी संगठनको सास्कृतीक संयोजकबाट अमेरिकामा सामाजीक काममा होमिनु भएकी शर्माले नाशाअन्माको गत संयुक्त अबिधेशनमा महिला सहसंयोजकको जिम्मेवारि सम्हाल्नु भएको थियो । पेशाले सुचना प्रविधिविज्ञ रहनुभएका शर्माले एटलान्टामा नेपाली पाठशाला स्थापनाको लागी महत्वपुर्ण भुमीका खेल्नु भएको थियो । एटलान्टा नेपाली विद्यालयको अध्यक्ष समेत रहनु भएकी शर्माले यस्ता विद्यालय सबै राज्यहरुमा स्थापना गर्न पहल गर्ने आफ्नो योजना रहेको उल्लेख गर्नुभयो । “नेपाली बालबालीकहरुलाइ आफ्नो मातृसंस्कारसंग जोड्न यो एक प्रभावकारि कार्यक्रम हो ।” वहाँले भन्नुभयो ।

एकपटक सेवा गर्ने मौका दिनुहोस्

एक बौद्धिक महिला समाजसेवीको परिचय बनाउनु भएकी शर्मा अन्तराष्टिय नेपाली साहित्य समाज, जर्जीया शाखाको उपाध्यक्ष समेत हुनुहुन्छ । नाशामा महिला नेतृत्वको आवश्यकता महसुस गरि विभिन्न समाजीक अगुवा र नयाँपुस्ताको समर्थनमा आफ्नो उम्मेद्धवारि आएको बताउदै शर्माले भन्नुभयो, “समुदायको अपेक्षा पुरा गर्नेछु, एकपटक सेवा गर्ने मौका दिनुहोस् ।”

 

मङ्लबार, भदौ १३, २०७४ मा प्रकाशित

सम्बन्धित सामाग्री

Like us on Facebook