आफैले पालेको कुकुरको आक्रमणमा न्युयोर्क सिटीमा एकको मृत्यु, प्रहरीको गोलीबाट कुकुरको मृत्यु
प्रकाशित मिति : बैशाख १४, २०८१ शुक्रबार
आज शुक्रबार बिहान न्युयोर्क सिटीको ब्रोन्क्समा कुकुरले आक्रमण गर्दा एक व्यक्तिको मृत्यु भएको छ । आफैले पालेको कुकुरको आक्रमणमा ती व्यक्तिको मृत्यु भएको प्रहरीले जनाएको छ ।
अधिकारीहरूलाई बिहान ३ बजेर ९ मिनेटमा लङउडको सिम्पसन स्ट्रिटमा रहेको घरमा बोलाइएको थियो । प्रहरीहरु घरमा पुग्दा कुकुरले ४१ वर्षीय मानिसलाई घाँटी र खुट्टामा टोकिरहेको देखेका थिए ।
घटनास्थलमा रहेका अधिकारीहरूले कुकुरलाई मानिसबाट छुट्टाउने प्रयासमा धेरै पटक हिर्काएका थिए । हिर्काउदा पनि नमानेपछि प्रहरीले कुकुरमाथि गोली चलाएका थिए । कुकुरलाई घटनास्थलमै मृत घोषित गरिएको थियो ।
घाइते व्यक्तिलाई सेन्ट बर्नबास अस्पताल लगिएको थियो जहाँ उनलाई मृत घोषित गरिएको थियो। अधिकारीहरूका अनुसार घटनास्थलमा पुगेका अधिकारीहरूलाई पनि मूल्याङ्कनका लागि स्थानीय अस्पताल लगिएको थियो।
अधिकारीहरूले घटनामा कुकुरलाई छुट्टाउने क्रममा पीडितलाई गोली लागे नलागेको भने केही प्रष्ट छैन । उक्त कुकुर पिटबुल प्रजातीको भएको जनाइएको छ ।