अधिकारकर्मी डा बिष्णुमाया परियारबाट अमेरिकामा ३० प्रहरी अधिकारीलाई तालिम
प्रकाशित मिति : ७ भदौ २०७५, बिहिबार
नेपाली अधिकारकर्मी डाक्टर बिष्णुमाया परियारले अमेरिकाको न्युजर्सीमा ३० जना प्रहरी अधिकारीलाई विशेष तालिम दिनुभएको छ । न्युजर्सीको हडसन काउन्टीमा प्रहरीको विशेष युनिटलाई परियारले घरेलु हिंशा र यौन हिंशाबारे तालिम दिनुभएको हो ।
तालिममा प्रहरीका सहायक अभियोजक सहित विशेष युनिटका डिटेक्टिभहरु र अन्य अधिकारीहरुको सहभागिता रहेको थियो । घरेलु र यौन हिंशाका पीडितहरुलाई सहयोग गर्ने क्रममा विशेष युनिटका प्रहरी अधिकारीहरुलाई यसबारे थप जानकारी दिलाउन तालिमको आयोजना गरिएको हो ।
डाक्टर बिष्णुमाया परियार न्युजर्सीको जर्सी सिटी मेयरकी डाइभर्सिटी एण्ड इन्क्लुजन सल्लाहकार हुनुहुन्छ । गोरखाको विकट ताक्लुङ गाविसको गरिब परिवारमा जन्मिएकी विष्णुमाया परियार एड्वानमार्फत सामाजिक कार्यमा सक्रिय हुनुहुन्छ ।
यसअघि उहाँले जर्सी सिटी प्रहरी विभागका एकसय ५० प्रहरी अधिकारीहरुलाई तालिम प्रदान गर्नुभएको थियो । घरेलु र यौन हिंशाबारे उनीहरुलाई तालिम प्रदान गरिएको थियो । खासगरी दक्षिण एसियाली समुदायमा हुने घरेलु र यौन हिंशाको प्रकृतिबारे जानकारी दिन तालिमको आयोजना गरिएको थियो ।
घरेलु हिंसामा परेका महिला, दलित तथा अन्यायमा परेकाहरूको दुःखकी साथी विष्णुमाया अमेरिकामा रहेको नेपाली समुदायले मात्र नभएर अमेरिकीले समेत चिन्ने नाम हो । सरकारी विद्यालयमासमेत पढ्न नसक्ने अवस्थाबाट आफ्नो बाल्यकाल गुजारेकी विष्णुमाया अन्ततः डाक्टर बिष्णुमाया बन्न सफल हुनुभयो ।
१९९९ मा अमेरिका आउनुभएकी विष्णुमायाले सन् २००६ मा संयुक्त राष्ट्रसंघबाट पाँच हजार डलरसहित ह्युमन राइट्स अवार्ड प्राप्त गर्नुभएको थियो । जुन अवार्ड त्यतिवेलासम्म विश्वका ६ जनाले मात्र पाएका थिए ।
बिष्णुमायाबारे थप
डा. बिष्णुमाया परियारलाई साउथ एशियन कम्युनिटी आउटरिच पुरस्कार, ८ दक्षिण एशियाली र अमेरिकन सम्मानित
ट्रम्प प्रशासनबाट महिला अधिकार जोखिममा छ – बिष्णुमाया परियार, अधिकारकर्मी
क्यानडाको निडर नारी सम्मेलनमा बिष्णुमायाले जगाइन् उत्प्रेरणा
बजेटमा नेपालीका हकहित समेट्न न्युजर्सीका गभर्नरलाई बिष्णुमायाको सुझाव
जीवनयात्रा : गाउँमा अछुत भनेर हेपिएकी बिष्णुमाया अमेरिकामा मेयरकी सल्लाहकारसम्म