Follow @khasokhasmag

अमेरिकी राजनीतिज्ञबाट नेपाली बिष्णुमाया सम्मानित


प्रकाशित मिति : श्रावण १, २०७४ आईतबार

अमेरिकी राजनीतिज्ञ एरिक आडम्सले चर्चित नेपाली अधिकारकर्मी डाक्टर बिष्णुमाया परियारलाई सम्मान गरेका छन् । न्युयोर्कको बु्रकलिन सहरका बोरो प्रेसिडेण्ड रहेका एरिक आडम्सको सम्मानपत्र सिटी काउन्सिलका प्रतिनिधिले एक कार्यक्रमका बीच हस्तान्तरण गरेका छन् । नेपालको दलित आन्दोलन र अधिकारका क्षेत्रका गरेको योगदानका लागि आफूले बिष्णुमायालाई सलाम गर्ने एरिक आडम्स हस्ताक्षरित सम्मानपत्रमा उल्लेख छ ।

शनिबार पाकिस्तानी अमेरिकन युथ सोसाइटीले बु्रकलिनमा आयोजना गरेको कार्यक्रममा डाक्टर बिष्णुमाया परियारलाई सम्मान गरिएको हो । न्युयोर्कमा रहेको पाकिस्तानी महावाणिज्यदूतावासका महावाणिज्यदूत र सिटी काउन्सिलका प्रतिनिधीले संयुक्तरुपमा सम्मानपत्र हस्तान्तरण गरेका थिए ।

गोरखाको विकट ताक्लुङ गाविसको गरिब परिवारमा जन्मिएकी विष्णुमाया परियार जीवनमा धेरै आरोह र अवरोह झेल्दै अहिले डा. विष्णुमाया परियार बनेकी छिन् । समाज सेवामा सक्रिय उनी मानवअधिकारकी पर्याय मानिन्छिन् । घरेलु हिंसामा परेका महिला, दलित तथा अन्यायमा परेकाहरूको दुःखकी साथी हुन्, उनी । विष्णुमाया अमेरिकामा रहेको नेपाली समुदायले मात्र नभएर अमेरिकीले समेत चिन्ने नाम हो । सरकारी विद्यालयमासमेत पढ्न नसक्ने अवस्थाबाट आफ्नो बाल्यकाल गुजारेकी विष्णुमाया अन्ततः डाक्टर बिष्णुमाया बन्न सफल भएकी छिन् ।

१९९९ मा अमेरिका गएकी विष्णुमायाले एक सेमेस्टर अंग्रेजी मात्र पढेकी थिइन् । त्यसपछि उनलाई पाइन म्यानर कलेजले पूर्ण छात्रवृत्ति दियो । कलेजमा आएर पनि उनले टप गरिन् । उनलाई सन् २००६ मा संयुक्त राष्ट्रसंघले पाँच हजार डलरसहित ह्युमन राइट्स अवार्ड प्रदान गर्‍यो । जुन अवार्ड त्यतिवेलासम्म विश्वका ६ जनाले मात्र पाएका थिए । उनको सम्मानमा अमेरिकाको केन्टकीको लुइभिल सहरले हरेक वर्ष सेप्टेम्बर २७ लाई ‘डा. विष्णुमाया परियार डे’का रूपमा मनाउने गरेको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com