दिक्पाल कार्कीले भारतमा पाए ‘आइकोनिक नेपाली फेसन मोडल- फेसन वेभ अवार्ड’
नेपाली मोडल दिक्पाल कार्कीले भारतमा आइकोनिक नेपाली फेसन मोडल शीर्षकमा फेसन वेभ अवार्ड प्राप्त गरेका छन् । १३ बर्षदेखि मोडलिङ क्षेत्रमा सकृय रहदै आएका कार्कीले शुक्रबार रात्ी भारतको दिल्लीमा आयोजित विशेष समारोहमा उक्त अवार्ड प्राप्त गरेका हुन् । भारतको फेसन वेभ म्यागाजिन र शिवाय मिडिया नेटवर्कले कार्यक्रमको आयोजना गरेको हो ।
झण्डै दुईदर्जन चलचित्र र सिरिजहरुमा अभिनय गरेकी भारतीय कलाकार अमायरा दस्तुरले उक्त अवार्ड हस्तान्तरण गरेकी थिइन् । कार्यक्रममा अपेक्षा शेरचनले नेपाली टिन फेशन मोडल अवार्ड र राजन बुढाथोकीले डायनमिक नेपाली इभेन्ट अर्गनाइजर अवार्ड प्राप्त गरेका थिए ।
कार्की कैयन राष्ट्रिय तथा अन्तर्राष्ट्रिय फेसन शोहरुमा सहभागी भइसकेका छन् । सन् २००९ देखि मोडलिङ सुरु गरेका ६ फिट अग्ला मोडल दिक्पालले एकसयभन्दा धेरै म्युजिक भिडियोहरुमा अभिनय र नृत्य गरिसकेका छन् ।
कार्की मिस्टर मोडल अफ द वर्ल्ड २०१८ का विजेता पनि हुन् । उनले म्यानमारमा सम्पन्न भएको प्रतियोगितामा मिस्टर मोडल अफ द वर्ल्ड २०१८ को उपाधि जितेका थिए ।त्यसको साथै दिक्पालले अरु तीनवटा टाइटल पनि जितेका थिए । मिस्टर किंग अफ क्याटवाक, मिस्टर मोडल चान लोन बेष्ट हेयर र मिस्टर मोडल बेष्ट इन फर्मल वेयरको टाइटल पनि उनले नै हातपारेका थिए ।
यसैगरी कार्कीले विभिन्न अन्तर्रा्ष्ट्रिय ब्राण्डहरुमा समेत मोडलिङ गरिसकेका छन् । उनले मिस्टर ग्राण्ड इन्टरनेशनल २०१७ मा सोसल मिडिया स्टार र पब्लिक च्वाइस अवार्ड जितेका थिए । उनले दुईवटा नेपाली चलचित्रहरुमा पनि अभिनय गरेका छन् ।
