कोरोना संक्रमित उपचाररत बिरामी चीनमा १४ हजार ७ सय ५३, चीनबाहिर ४६ हजार १ सय ७०
प्रकाशित मिति : फाल्गुन २९, २०७६ बिहीबार
चीनमा कोरोना संक्रमित उपचाररत बिरामी चीनमा जम्मा १४ हजार ७ सय ५३ मात्र रहेका छन् । चीनमा कुल ८० हजार ७ सय ९७ मा संक्रमण भएकोमा ६२ हजार ८ सय ७४ को सफल उपचार भइसकेको छ ।
चीनको तुलनामा चीनबाहिर उपचाररत कोरोना संक्रमित बिरामीको संख्या बढी पुगेको छ । चीनबाहिर ४६ हजार १ सय ७० संक्रमित उपचाररत रहेका छन् । जसमध्ये सबैभन्दा धेरै इटलीमा १२ हजार ८ सय ३९ रहेका छन् ।
न्युयोर्क सिटीमा संकटकाल, सार्वजनिक यातायात बन्द गर्नसक्ने अधिकार
अहिलेसम्म विश्वमा कोरोना संक्रमितको संख्या १ लाख ३४ हजार ५ सय ६० पुगेको छ । जसमध्ये ४ हजार ९ सय ७२ को मृत्यु भइसकेको छ भने ६८ हजार ९ सय ६५ को सफल उपचार भइसकेको छ ।
अहिले उपचार गराइरहेका ६० हजार ६ सय २३ मध्ये ५४ हजार ६ सय २९ को अवस्था सामान्य रहेको छ भने ५ हजार ९ सय ९४ को अवस्था गम्भिर रहेको छ ।
कोरोना त्रास : अमेरिकाका नेपाली व्यवसायी भन्छन् – ‘व्यवसाय बन्द गरौं कि खोलौं अन्यौलमा छौं’
आजमात्र इटलीमा थप २६५१ मा संक्रमण पुष्टी भएको छ भने १८९ को मृत्यु भएको छ । इरानमा पनि आजमात्र १०७५ मा संक्रमण पुष्टी भएको छ भने ७५ जनाको मृत्यु भएको छ ।
चीनमा आज जम्मा थप ४ जनामा संक्रमण पुष्टी भएको छ भने एकजनाको मृत्यु भएको छ ।