जापानमा ३० येन चोरेको आरोपमा व्यक्ति पक्राउ
प्रकाशित मिति : मंसिर २, २०७५ आईतबार
कहिलेकाहिँ कति पैसा चोर्यो भन्दा पनि कहाँबाट चोरी भयो भन्ने कुराले व्यक्तिलाई बढी समस्यामा पार्छ । जापानमा यस्तै भएको छ । ३० येन चोरी गर्ने एक व्यक्ति पक्राउ परेका छन् । उनको चोरीको रकम त्यति ठूलो नभए पनि उनले जहाँबाट सो रकम चोरी गरे त्यसले चाहिँ उनलाई समस्यामा पारेको हो । जापानको ऐतिहासिक पुरातात्विक महत्व बोेकेको सिन्तो स्राइन (मन्दिरजस्तै पवित्र स्थल) मा जान कुनै रकम त लाग्दैन तर त्यहाँ प्रार्थना गर्ने समयमा भने केही रकम बुझाउनु पर्छ । यति नै पैसा दान दिनुपर्छ भन्ने त छैन तर दिनेहरुले धेरै धेरै रकम पनि दान दिने गरेकाद छन् ।
यस्तो पवित्र धरोहर सिन्तो स्राइनमा रहेको दान रकम संकलन गर्ने बाकसबाट मासाकाजु इगुचिले रकम चोरी गरेका हुन् ।
चिबा प्रिफेक्चरमा बसोबास गर्ने ५५ वर्षिय वेरोजगार इगुचिले एक बिहानै स्राइनमा गएर त्यहाँ भएको संकलन बाकस फुटाएर रकम चोरी गरेका हुन् ।
थोरै भए पनि धेरै भएपनि चोरी त आखि चोरी नै हो । उनले चोरी गरेको रकम जापानको सबैभन्दा सस्तो खानेकुरा खरिद गर्न पनि पर्याप्त थिएन । यसअघि पनि स्राइनको संकलन बाकसबाट दुईपटक रकम चोरी भइसकेको छ । तर इगुचिले नै अगाडिका दुई चोरी गरेकाद हुन् भन्ने कुरा उनले स्विकार गरेका पनि छैनन् र यसको पुष्टि पनि भएको छैन । उनले खाली आफूलाई पैसाको जरुरत भएका कारण चोरी गरेको भन्ने बयान दिएका छन् ।