अमेरिकामा औसत पारिवारिक आम्दानी सन् १९६७ पछिकै उच्च: धनी र गरिबबीचको दूरी भने झन् फराकिलो
प्रकाशित मिति : ३० भदौ २०८३, मंगलबार
Photo: Giorgio Trovato/ Unsplash
अमेरिकी जनगणना ब्युरोले सार्वजनिक गरेको पछिल्लो तथ्याङ्क अनुसार सन् २०२५ मा अमेरिकामा परिवारको औसत आम्दानी हालसम्मकै उच्च विन्दुमा पुगेको छ।
ब्युरोको रिपोर्ट अनुसार सन् २०२५ मा एक अमेरिकी परिवारको औसत आम्दानी ८७,४६० अमेरिकी डलर पुगेको छ। मुद्रास्फीति समायोजन गर्दा यो आम्दानी सन् १९६७ पछिकै उच्च हो।
समग्रमा एक वर्षको अवधिमा अमेरिकी परिवारको औसत आम्दानी २.६ प्रतिशत अर्थात् करिब २,२५० डलरले बढेको छ।
समग्र आम्दानी बढे पनि सबै समुदायले यसको समान अनुभूति गर्न पाएका छैनन्। सन् २०२४ देखि २०२५ को अवधिमा फरक-फरक जनसाङ्ख्यिक समूहको आम्दानी वृद्धिदर फरक देखिएको छ:
आम्दानी ४.८ प्रतिशतले बढेको छ। यद्यपि, हालैको यो वृद्धि पछि पनि कालो जातिका परिवारको औसत आम्दानी अन्य समुदायको तुलनामा अझै काफी कम छ।आम्दानी ३.० प्रतिशतले बढेको छ।यी समुदायको आम्दानीमा भने सन् २०२५ मा कुनै उल्लेख्य परिवर्तन देखिएको छैन।
पूर्णकालीन कामदारहरूको हकमा सन् २०२५ मा महिलाहरूको ज्याला ३.२ प्रतिशतले वृद्धि भएको छ। अर्कोतर्फ, पुरुष कामदारहरूको ज्यालामा भने एक वर्षको अवधिमा कुनै खास वृद्धि देखिएन।
ज्याला वृद्धिमा महिला अगाडि देखिए पनि पुरुषको तुलनामा उनीहरूको कमाइ अझै कम छ। पूर्णकालीन काम गर्ने पुरुषले वार्षिक औसत ७२,३८० डलर कमाउँदा महिलाले ६०,७६० डलर मात्र कमाउँछन्। यस अनुसार पुरुषले कमाएको एक डलर बराबर महिलाले करिब ८४ सेन्ट मात्र पाउने गरेका छन्। जनगणना ब्युरोका अनुसार यो लैङ्गिक अन्तर बिस्तारै घट्दै गएको छ।
तथ्याङ्कले देशका उच्च र निम्न आम्दानी भएका वर्गहरूबीचको आम्दानी वृद्धिमा पनि ठूलो अन्तर रहेको स्पष्ट पारेको छ। सन् २०२५ मा माथिल्लो १० प्रतिशत धनी परिवारको आम्दानी १.७ प्रतिशतले बढेर करिब २,६१,३०० डलर पुगेको छ।
यसको विपरीत, सबैभन्दा तल्लो १० प्रतिशत गरिब परिवारको आम्दानीमा भने सामान्य गिरावट आएको छ। गिरावटसँगै उनीहरूको वार्षिक आम्दानी सन् २०२५ मा करिब २०,००० डलरमा मात्र सीमित हुन पुगेको छ।
आम्दानी बढेको र महङ्गी दर पहिलेभन्दा घटेको भए पनि उपभोक्ता सर्वेक्षणहरूले धेरै अमेरिकीहरू अझै आर्थिक तनावमा रहेको देखाएका छन्। लामो समयदेखि कायम महङ्गीले मानिसहरूको क्रयशक्ति घटाउनु यसको मुख्य कारण हो।
विशेष गरी इन्धन र आवासजस्ता आधारभूत आवश्यकताहरू अझै निकै महँगा छन्।एएएका अनुसार अमेरिकामा पेट्रोलको औसत मूल्य प्रति ग्यालन ४.३३ डलर पुगेको छ।
त्यस्तै, घर कर्जाको ब्याजदर बढेर ६.७१ प्रतिशत पुगेको छ, जुन एक वर्षयताकै उच्च हो। उच्च ब्याजदरका कारण घर खरिदकर्ताहरूले महिनाको सयौँ डलर थप तिर्नुपर्ने बाध्यता सिर्जना भएको छ।