Follow @khasokhasmag

सनी लियोनीले नेपाली गीतको सुटिङ सकिन्


प्रकाशित मिति : कार्तिक ३०, २०७५ शुक्रबार

पोर्न इन्डष्ट्रीबाट बलिउडमा प्रबेश गरेकी चर्चित नायिका सनी लियोनी ले नेपाली फिल्ममा काम गर्न लागेको खबरले सिनेबजार तरंगित बन्यो । सुरुवाती दिनमा यस्ता खबरहरु आए पनि त्यती कसैले विश्वास गरेका थिएनन् तर केही समय अगाडी सनिले नै यसबारेमा ट्वीटगरेपछि उनले नेपाली फिल्ममा काम गर्न लागेको पुष्टी भएको थियो ।

बलिउडमा हट र बोल्ड अवतारमा देखिँदै आएकी सनिले पासवर्ड फिल्मका लागि आईटम नम्बर गरेकी हुन् । जुन गीतको सुटिङ लण्डनमा सम्पन्न भईसकेको छ । सनिले लण्डनको चिसोमा विक्रम जोशीसँग कम्मर मर्काएकीछिन् । गीतको सुटिङ मंगलबार र बुधबार गरी २ दिन लगाएर सकिएको छ ।

सुटिङ सकिएपछि फिल्मकी नायिका परी रानाले सनिसंग सेल्फी पोस्ट गर्दे सनिसंग काम गर्दाको अनुभव निकै राम्रो भएको सेयर गरेकीछिन् । बुझिए अनुसार सनिले उक्त गीतका लागि २ करोड पारिश्रृमिक लिएकीछिन् । अजुर्न पोखरेलले तयार पारेको गीतमा दुर्गा खरेलको आवाज रहेको छ । सनिले गीत सुनेर दिएको प्रतिक्रियापछि अर्जुन पनि दंग परेका थिए ।

निर्माता बिक्रम जोशीले उनलाई नेपाली फिल्म ‘पासवर्ड’ मार्फत नेपाली सिनेमा बजारमा भित्राउँन लागेका हुन् । सम्राट बन्सेतले निर्देशन रहेको उक्त फिल्ममा लोकप्रिय नायक अनुपबिक्रम राईछुल्ठिम गुरुङ, बुद्धि तामाङ, बिक्रान्त बस्नेत, रविन्द्र झा, लिशा सुनार, परी राना लगायतका कलाकारहरुको अभिनय रहनेछ ।

अमित बस्नेत र हिरल जोशीको समेत लगानी रहेको फिल्मको गीतको काम सकिएलगत्तै सबै सुटिङ सकिएको छ । अब हेरौँ बलिउडमा अझै पनि नायिकाको रुपमा खासै स्वीकार नगरिएकी सनीको नेपाल फिल्ममा हुन लागेको प्रबेशलाई भने कसरी हेरिन्छ त्यो समयले नै देखाउँला ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com