अष्ट्रेलियामा विद्यार्थीले काम कसरि खोज्ने ? यस्ता छन् तरिका
प्रकाशित मिति : कार्तिक १६, २०७५ शुक्रबार
विदेशी विद्यार्थीहरुले अष्ट्रेलियामा पढ्दा हुने एउटा फाइदा भनेको आफ्नो समयलाई व्यवस्थापन गर्दै पार्ट टाइम काम गर्न पाउनु हो । यसले गर्दा विद्यार्थीहरु आर्थिक रुपमा आत्मनिर्भर बन्न सक्छन् ।
विद्यार्थीहरुले कामदार हक सम्बन्धि थाहा पाउनुपर्छ । काम गर्ने तरिका, अष्ट्रेलियाका कम्पनीहरुका नियम, तलब स्केल, आदिको बारेमा विभिन्न माध्यमबाट पर्याप्त जानकारी लिनुपर्छ । कुनै पनि कम्पनिसंग कामको सम्झौतामा हस्ताक्षर गर्नुपूर्व सम्झौताको प्रत्येक कुरा आफूले बुझ्नुपर्छ र सम्झौता पत्र सबै पढेर मात्र हस्ताक्षर गर्नुपर्छ ।
काम खोज्ने तरिका
–आफ्नो शैक्षिक योग्यता, काम अनुभव, भाषा तथा अन्य ज्ञान र सिप , रुची, लक्ष आदि सबै कुराहरु समेटिएको स्केच (रिजुम) बनाउनु पर्छ । त्यसमा कुनै पनि किसिमको गल्ति गर्नुहुँदैन । आकर्षक र व्यवसायिक देखिने हुनुपर्छ । अंग्रेजीलेखाइमा त्रुटी नहोस् भन्नको लागि अंग्रेजी आफू भन्दा राम्रो जानेको व्यक्तिलाई देखाउन सकिन्छ ।
–स्टोरहरुमा आफै गएर म्यानेजरसंग रिक्त पद भएर नभएको सोध्न सकिन्छ । रिक्त पद नभएमा पनि रिक्त पद हुँदाको लागी भनि रिजुम उनीहरुलाई दिएर छोड्नुपर्छ । लगाएको पोशाक आकर्षक र भलाद्मी देखिने हुनुपर्छ । आफूलाई नम्र रुपमा प्रस्तुत गर्नुपर्छ ।
–विभिन्न कम्पनीका वेबसाइटहरु खोजेर करियर अप्सनमा अनलाइन निवेदन पठाउन सकिन्छ ।
–अष्ट्रेलियन जब सर्च वेबसाइटहरुबाट पनि रिक्त पदहरु र कम्पनीहरुको बारेमा थाहा पाउन सकिन्छ ।
–कुनै कुनै शैक्षिक संस्थाहरुले नै विद्यार्थीहरुलाई कम्पनिसंग जोडिदिने काम गर्छन् ।