शौचालयमा क्यामरा राखेर २ करोड ७० लाखभन्दा बढि कमाउने व्यक्ति पक्राउ
प्रकाशित मिति : कार्तिक १४, २०७५ बुधबार
एक सूचना प्रविधि सम्बन्धि कम्पनीमा काम गर्ने र्यो नातोरी भनिने व्यक्तिलाई शौचालयमा क्यामरा राखेको आरोपमा टोकियो महानगर प्रहरीले पक्राउ गरेको छ । उनले तोशिमा वडामा रहेको एक बारको शौचालयमा प्रवेश गरेर क्यामरा राखेको र महिला ग्राहकको फुटेजहरु लिएर अनलाइनमार्फत २ करोड ७० लाख येन आम्दानी गरेको बताइएको छ । ‘ मैले मेरो ऋण तिर्न र आफ्नो जिविकोपार्जनका लागि यस्तो गरेको हुँ’ ४२ वर्षिय नातोरीले भने ।
उनले ३ सय महिलाको शौचालयभित्रको फुटेज लिएर ४० अोटा फिल्म बनाएको र यसलाई क्रमैसँग अनलाइनमा पोष्ट गरेका थिए । हरेक फिल्मको खरिद मूल्य १३ सय येन देखि ३३ सय येन सम्म तोकिएको बताइएको छ । उनको सुमिदा वडास्थित निवासबाट प्रहरीले एक कम्प्युटर जफत गरेको जसमा १ हजार भन्दा महिलाको अश्लिल चलचित्र रहेको पाइएको छ ।
एक युवतीले अनलाइनमा भएको फुटेज आफ्नो भएको र सो शौचालयभित्र खिचिएको दाबी गर्दै प्रहरीमा उजुरी गरेपछि यो मामिला बाहिरिएको हो ।
उनले त्यो बार बाहेक अन्य स्थानका शौचालयमा पनि हिडन क्यामेरा जडान गरेको भेटिएको प्रहरीले बताएको टोकियो रिपोर्टरले आफ्नो समाचारमा लेखेको छ ।
https://youtu.be/inpKqt4JTGs