बैदेशिक रोजगारीका लागि मलेसिया जाने नेपालीका लागि खुसीको खबर, कात्तिक २१ वाट सुरु हुन्छ यस्तो नियम
प्रकाशित मिति : आश्विन २८, २०७५ आईतबार
वैदेशिक रोजगारीका लागि मलेसिया जाने नेपाली कामदार निःशुल्क लैजानेबारे नेपाल र मलेसियाबीच कात्तिक १२ गते समझदारीपत्र (एमओ) मा हस्ताक्षर हुने भए पछि वैदेशिक रोजगारीका नाममा झेल्नुपर्ने अनेक झण्झटको अन्त्य हुने भएको छ । समझदारीपत्रसँगै नेपाली कामदार पुनः मलेसिया जाने बाटो खुल्नेछ ।
मलेसिया जाने नेपालीलाई एजेन्टहरुले विभिन्न वहानामा अतिरिक्त पैसा लिने भएकाले समस्यामा पर्दै आएका थिए । सो समस्यावाट छुट दिलाउन सरकारी तवरवाटै मलेसिया कामदार पठाउने प्रकृया सुरु भएको हो । समझदारीका लागि मलेसियाका मानव संशाधनमन्त्री एम कुलेसागरन ११ गते काठमाडौं आउने तय भएको छ ।
बिचौलिया संयन्त्रका कारण भिसा प्रक्रियामै कामदार ठगिने गरेका थिए । श्रम मन्त्रीका रुपमा गोकर्ण बिष्ट आए पछि समस्या समाधानको पहल सुरु भएको हो । मन्त्री विष्टले कामदारलाई ठग्ने प्रकृया बन्द नगर्दा सम्मका लागि भन्दै मलेसिया कामदार पठाउने प्रकृया नै बन्द गराएका थिए । कामदार नै रोकिएपछि मलेसिया भिसाा प्रक्रिया निःशुल्क बनाउन सहमत भएको हो ।
एमओयूमा हस्ताक्षरपछि मलेसिया जाने कामदारले कुनै शुल्क तिर्नु पर्नेछैन । तर, मेडिकल र इमिग्रेसन सेक्युरिटी क्लियरेन्समा फेल भएका कामदार भने मलेसिया जान पाउँदैनन् । साथै प्रक्रियामा लागेको रकम पनि आफैंले व्यहोर्नुपर्छ ।
सबै प्रक्रिया पास गरेको कामदारको शुल्क मात्र मलेसियाको रोजगारदाता कम्पनीले तिर्ने ब्यवस्था लागू गरिएको छ ।
नेपाल र मलेसियाबीच हुने समझदारीले बायोमेट्रिकका नाममा कामदारको स्वास्थ्य परीक्षणमा यसअघि ३९ वटा मात्र मेडिकलले चलाएको सिण्डिकेट समाप्त हुनेछ ।हस्ताक्षर हुन लागेको एमओयू अनुसार नेपाली कामदारको करार अवधि दुई वर्षको हुनेछ ।