Follow @khasokhasmag

विमानमै ११ महिने बालकको ज्यान गयो


प्रकाशित मिति : आश्विन ११, २०७५ बिहीबार

कतारको राजधानी दोहाबाट हैदराबाद आउँदै गरेको कतार एयरवेजको विमानमा सास फेर्न गाह्रो भएकाले एक ११ महिनाका बालकको ज्यान गएको छ ।

हिन्दुस्तान टाइम्सले जनाएअनुसार हैदराबादमा रहेको राजीव गान्धी अन्तर्राष्ट्रिय विमानस्थलमा जहाज अवतरण भएसँगै ती बालकलाई अपोलो मेडिकल सेन्टर लगिएको थियो । तर डाक्टरहरुले बालकलाई मृत घोषित गरे । बालकका आमाबुवासँग भारतीय पासपोर्ट रहेको र बालकसँग अमेरिकी पासपोर्ट रहेको थियो ।

घटनापछि कतार एयरवेजले एक विज्ञप्ति सार्वजनिक गर्दै भनेको छ, ‘आज बिहान हैदराबादको अन्तर्राष्ट्रिय विमानस्थल एक बालकको मृत्युको खबरले हामी एकदमै दुखी छौँ, हामी पीडित परिवारप्रति सहानुभूति प्रकट गर्दछौँ ।’

तर हैदराबाद विमानस्थलका प्रवक्ताले भने कतार एयरवेजको विज्ञप्तिको खण्डन गर्दै बालकको मृत्यु विमानमै भएको बताएका छन् । उनले अपोलो मेडिकल सेन्टरकोआधिकारिक रिपोर्ट आएपछि मात्रै सबै कुरा भन्न सकिने बताएका छन् ।

गएको महिना सास फेर्न समस्या भएकै कारण इन्डिगो एयरको विमानमा चार वर्षीय बालकको ज्यान गएको थियो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com