दाउदको पत्तासाफ गर्न अमेरिकाले भारतको मद्दत गर्ने
प्रकाशित मिति : भाद्र २३, २०७५ शनिबार
भारत र अमेरिकाबीच बिहिबार पहिलो पटक भएको ‘ द्दंद्द डायलग’ पछि दुबै देशबीच दोस्तीको नयाँ अध्याय सुरु भएको दाबी गरिएको छ । भारतीय संचार माध्यमले दुई देशबीच आतंकवादविरुद्ध मिलेर अघि बढ्ने कुरामा सहमती भएको बताएको छ । पहिलो पटक अमेरिकाले भारतले सबैभन्दा ठूलो दुश्मनको रुपमा हेरिरहेको दाउद इब्राहिमविरुद्ध कारवाही गर्न राजी भएको स्रोतले दाबी गरेको छ ।
स्रोतका अनुसार बिहिबार भएको बैठकमा भारत र पाकिस्तानबीच आतंकवादलाई जरैदेखि उखेल्न चलिरहेको अन्तरसंघर्षमा अमेरिकाले भारतको समर्थन गर्न सहमत भएको छ ।
स्रोतले भन्यो, ‘यो निर्णय यसकारण पनि महत्वपूर्ण हुन्छ किनभने दाउदका केही सम्पत्ति अमेरिकामा पनि छ । यदि अमेरिकाले उनीहरुमाथि पनि कारवाही गर्छ भने यस्तोमा चोट सिधा दाउदलाई नै लाग्छ ।’
भारत र अमेरिकाले बिहिबार पाकिस्तानलाई चेतावनी दिँदै उनीहरु आफ्नो धर्तीलाई सीमापारी आतंककारी हमला हुन नदिनका लागि प्रयोग गर्ने कुरामा सहमती भएको बताइएको छ ।
अमेरिकी विदेशमन्त्री माइक पोम्पियो र रक्षामन्त्री जेम्स म्याटिस, भारतका विदेशमन्त्री सुश्मा स्वराज, रक्षामन्त्री निर्मला सीतारमणले टु प्लस टु मन्त्रीस्तरीय वार्तापछि जारी संयुक्त बयानमा भने, ‘हामीले कुनै पनि प्रकारको छद्म आतंककारी हमलाको भर्त्सना गरेका छौं र यसै सन्दर्भमा पाकिस्तानलाई उसको नियन्त्रणमा भएको क्षेत्रलाई अन्य देशमा आतंककारी हमला गर्नका लागि प्रयोग नगर्न ध्यानाकर्षण गराएका छौं ।’