जर्मनीः जब कन्सर्टमा गुञ्जियो नाजी विरोधी नारा
प्रकाशित मिति : भाद्र १९, २०७५ मंगलबार
बीबीसी
जर्मनीको पूर्वी शहर केमनिट्जमा रंगभेदको विरोधमा भएको एक कन्सर्टमा हज्जारौंको सहभागिता रह्यो । सोमबार राती आयोजित उक्त कन्सर्टमा करिब ६५ हजार उपस्थित थिए ।
उक्त कन्सर्टमा पंक र हिपहप ब्यान्डको प्रस्तुती रहेको थियो । कन्सर्टमा उपस्थित धेरैले ‘नाजीलाई बाहिर निकाल’ भन्दै नारा लगाइरहेका थिए ।
कार्यक्रममा सबैलाई अटाउन आयोजनकले कन्सर्टको स्थान परिवर्तन गर्नुपरेको थियो ।
गत महिनाको अन्त्यमा ३५ वर्षका एक व्यक्तिमाथि चक्कुमार्फत हमला गरिएको थियो । उक्त हमलामा उनको मृत्यु भएको थियो । यो मामलामा दुई प्रवासीलाई संदिग्धको रुपमा लिइएको छ । त्यसपछि उक्त शहरमा दक्षिणपन्थीले र्याली निकालेका छन् ।
कन्सर्टको सुरुमा चक्कु हमलाका पिडितका लागि एक मिनेट मौनधारण गरियो ।
त्यसपछि क्राफ्टक्लबका एक गायकले त्यहाँ उपस्थित सबैलाई सम्बोधित गरे ।
उनले भने, ‘हामी अबुझ होइनौं । एउटा कन्सर्टको आयोजना गरेर संसारलाई बचाउन सक्छौं भन्ने भ्रममा हामी छैनौं । तर धेरैपटक यो देखाउनु पर्छ कि तपाईं एक्लो हुनुहुन्न ।’
कन्सर्ट भइरहेका बेला स्थानीय पुलिसले शनिबारको प्रदर्शनको क्रममा पत्रकारमाथि हमला गर्ने एक संदिग्धलाई पक्राउ गरेको जानकारी दिए ।
यसअघि सोमबार एक प्रवासीलाई आफ्नी पूर्व जर्मन प्रेमिकाको हत्याको मामलामा आठ वर्ष बढीको जेल सजायँ सुनाइएको थियो । सजायँ पाउने व्यक्ति अफगान मूलको बताइएको छ ।
उक्त घटनाका लागि देशभरी रिस देखिएको थियो ।
