ब्राजिलको सीमा नजिकै पेरुमा शक्तिशाली भूकम्प
प्रकाशित मिति : भाद्र ८, २०७५ शुक्रबार
अमेरिकी जियोलोजिकल सर्भेका अनुसार ब्राजिलसँगको सीमा नजिकै पेरुमा ७.१ म्याग्निच्युडको शक्तिशाली भूकम्प गएको छ ।
पेरुको दक्षिण पूर्वी शहर पुएर्टो माल्डोनाडोभन्दा २४८ किमी उत्तर पश्चिममा भूकम्पको केन्द्र विन्दू रहेको थियो । स्थानीय समयअनुसार बिहान ४ बजेर ४ मिनेट जाँदा भूकम्प गएको थियो ।
भूकम्पको क्षतिबारे अझै यकिन हुन सकेको छैन ।
नाज्का र दक्षिण अमेरिकी प्लेटमा पर्ने यो देशमा समय–समयमा भूकम्प गइरहन्छ ।
गत जनवरीमा पनि अरेक्वीपा क्षेत्रमा ७.१ म्याग्निच्युडको भूकम्प गएको थियो । जसमा दुई जनाको मृत्यु भएको थियो भने १४० जना घाइते भएका थिए ।