छाडे पाकिस्तान प्रधानमन्त्री इमरान खानले प्रधानमन्त्री निवास
प्रकाशित मिति : भाद्र ५, २०७५ मंगलबार
पाकिस्तानका प्रधानमन्त्री इमरान खानले प्रधानमन्त्री निवास छाडी खान सोमबारबाट तीन वटा बेडरुम भएको सामान्य घरमा बस्न थालेका छन ।
५२४ जना कर्मचारी मात्र भएको प्रधानमन्त्री निवास छाडी उनले आफूसँग सैन्य सुरक्षाका साथै दुई कामदार लगेका छन् । सरकारी खर्च कम गर्ने आफ्नो पूर्व योजना अनुसार नै खानले प्रधानमन्त्री निवासमा नबस्ने निर्णय लिएका हुन् ।
प्रधानमन्त्रीका लागि ३३ वटा वुलेटप्रफ कार रहेपनि खानले भने २ वटा मात्र प्रयोग गर्ने भएका छन् ।बाँकी कार छिट्टै लिलामी गर्ने योजना अघि सारेका छन् । यसबाट आएको रकम राज्यकोषमा जम्मा गर्ने खानले बताएका छन ।