Follow @khasokhasmag

३ वर्षकी बालिका चर्को घाममा स्कुल बसभित्र थुनिएपछि निसास्सिएर मृत्यु


प्रकाशित मिति : भाद्र २, २०७५ शनिबार

थाइल्याण्डमा स्कुल गएकी ३ वर्षकी बालिका स्कुल बसभित्र थुनिइन् । बस चर्को घाममा पार्किङ गरियो र ड्राइभरले बस लक गरेर गए । बालिका दिनभर चर्को घामले तातेको बसभित्र थुनिइन् । तातो बाफले निसास्सिएर उनको मृत्यु भएको छ ।

बुधबार दिउँसो दक्षिणी थाइल्याण्डको पट्टानीमा भेटिँदा नुरा नादिया नामकी ती बालिकाको नाकबाट रगत बगिरहेको थियो र उनको ज्यान गइसकेको थियो । ती बालिकालाई स्कुल लैजानको लागि बसले उनको घरबाट स्कुलसम्म ल्याएको थियो । बसमा यात्राको क्रममा ती बालिका निदाइन् । ड्राइभर २३ वर्षका अहामा सनायले सबै बालबालिकालाई बसबाट निकाले तर उनी निदाएको देखेनन् । त्यसपछि उनी बस लक गरेर गए ।

नुरा बिउँझिँदा शायद त्यहाँ कोही थिएनन् । उनी भित्रै थुनिइन् । त्यहाँको तापक्रम ३५ डिग्री सेन्टिग्रेड थियो । यस्तोमा तातो बाफमा निसास्सिँदा उनको मृत्यु भयो । उनकी आमा बेलुका ४ बजे स्कुल आइन् र नर्सरीको गेटमा छोरीलाई पर्खिन् । छारी नआएपछि उनले शिक्षकहरुलाई खबर गरिन् । आत्तिएका स्कुल स्टाफले खोज्दै बसमा जाँदा नुराको ज्यान गइसकेको थियो ।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com