भिरबाट २ सय फिट तल खस्यो यात्रुवाहक बस, ३२ जनाको मृत्यु
प्रकाशित मिति : श्रावण १२, २०७५ शनिबार
शनिबार बिहान भएको भयानक सडक दुर्घटनामा ३२ जनाको मृत्यु भएको छ । दुर्घटनामा केही घाइते भएको बताइएको छ तर घाइते कति जना छन् भन्ने निश्चित भइसकेको छैन । भारतको महाराष्ट्रको रायगढ जिल्लामा बस २ सय फिट तल खसेपछि यति ठूलो संख्यामा यात्रुको मृत्यु भएको हो ।
प्राप्त जानकारीअनुसार महाराष्ट्रको बालेश्वरमा रायगढ र सीतारा जिल्लाको सीमा क्षेत्रमा दुर्घटना भएको हो । बस शनिबार बिहान दापोली एग्रिकल्चर युनिभर्सिटीबाट रायगढतर्फ जाँदै गरेको भारतीय दैनिक अमर उजालाले लेखेको छ । दुर्घटनाको कारण खुलिसकेको छैन । उद्धार कार्य भइरहेको जनाइएको छ ।