उत्तर कोरियाले बाचा पूरा गर्दै ? रकेट परिक्षण स्थल नष्ट पार्दै
प्रकाशित मिति : श्रावण ८, २०७५ मंगलबार
उत्तर कोरियाले उत्तर पश्चिममा रहेको एउटा महत्वपूर्ण रकेट परिक्षणस्थल नष्ट पार्ने काम थालेको देखिएको छ ।
अमेरिकी निरिक्षण समूह ‘३८ उत्तर’ सोहाई स्टेशनको भुउपग्रह तस्बिरहरु हेर्दा गत जुन महिनामा अमेरिकासँग गरेको बाचा पूरा गरिरहेको जस्तो देखिन्छ ।
अमेरिकी राष्ट्रपति डोनल्ड ट्रम्पले उत्तर कोरियाली नेता किम जोंग उनले रकेट इन्जिन परिक्षण स्थल नष्ट गर्ने बताएका थिए । यद्यपी, कुन स्थल भन्ने बारे यकिनका साथ उनले भनेका थिएनन् ।
प्योंगयांगले सोहाई एक भूउपग्रह प्रक्षेपण केन्द्र भएको बताउने गरेको छ ।
तर अमेरिकी अधिकारीले भने यो ब्यालेस्टिक क्षेप्यास्त्र परिक्षणका निमित्त प्रयोग हुने गरेको आशंका गरेको छ ।
गत महिना ट्रम्प र जोंगबीच सिंगापुरमा भएको ऐतिहासिक भेटघाटमा कोरियाली प्रायद्वीपलाई पूर्ण रुपमा निश्शस्त्रीकरण गर्ने विषयमा सहमती भएको थियो ।