यसरी पुग्न सकिन्छ अर्जेन्टिना नकआउट चरणमा
प्रकाशित मिति : असार ८, २०७५ शुक्रबार
पहिलो खेलमा बराबरी खेलेको अर्जेन्टिना दोस्रो खेलमा नराम्ररी पराजित भएपछि विश्वकप फुटबलको नकआउट चरण पुग्ने सम्भावना अत्यन्त कमजोर बनेको छ ।
बिहिबार राति भएको समुह चरणको दोस्रो खेलमा क्रोयसियासँग ३(० को फराकिलो गोल अन्तरले पराजित भएसँगै अर्जेन्टिना विश्वकपबाट बाहिरिने खतरा बढेको हो । सन् १९५८ यता पहिलो पटक अर्जेन्टिनाले विश्वकपको समूह चरणमा यति फराकिलो हार बेहोरेको हो ।
दुई खेलबाट जम्मा १ अंक जोडेपनि अर्जेन्टिनाका लागि अघिल्लो चरण प्रवेशका लागि सम्भावनका सबै ढोका भने पूर्ण रुपमा बन्द भैसकेको छैन् ।
समूह चरणको पहिलो खेलमा नवप्रवेशी आइसल्याण्डसँग बराबरी खेलेको अर्जेन्टिनाले अब अन्तिम खेलमा नाइजेरिलाई फराकिलो अन्तरले हराउँदै अन्य खेलको नतिजामा मात्र उसको नकआउट चरण पुग्ने सम्भावना तय हुनेछ ।
अर्जेन्टिना दोस्रो चरणमा पुग्नका लागि आज हुने नाइजेरिया र आइसल्याण्डबीचनको खेलमा नाइजेरियाले जित्नै पर्नेछ । यस्तै असार १२ गते हुने अर्को खेलमा अर्जेन्टिनाले नाइजेरियालाई फराकिलो गोलअन्तरले हराउनु पर्नेछ ।
यति मात्र होइन आइसल्याण्डले क्रोएसियासँग पनि बराबरी या हार्नुपर्नेछ । जुन अर्जेन्टिनाका लागि ुअसम्भवु देखिन्छ । अर्जेन्टिनालाई भाग्यले साथ दिए मात्रै यी सबै सम्भावना पुरा हुनेछन् ।
समुह डी मा रहेको क्रोयसिया अन्तिम १६ मा प्रवेश गरिसकेको छ भने अर्जेन्टिना एक अंक सहित तेस्रो स्थानमा छ । अर्जेन्टिना भन्दा एक खेल कम खेलेको आईसल्याण्ड दोस्रो र अंक विहिन नाईजेरिया तालिकाको पुछारमा छ ।
विश्वकप फुटबलको छनोट खेलमा पनि करिब आउट भैसकेको अर्जेन्टिनालाई अन्तिम खेलमा उष्कृष्ट पुनरागमन गराउँदै कप्तान लियोनल मेसीले टिमलाई रुससम्म डोहोर्याएका थिए । के अब मेसीले त्यसैगरि टिमलाई नकआउट चरणमा पुर्याउँलान् रु त्यो भने हेर्न बाँकी नै छ ।