Follow @khasokhasmag

न्युजर्सीको रात्री उत्सवमा गोली चल्यो, २२ घाइते


प्रकाशित मिति : असार ३, २०७५ आईतबार

अमेरिकाको न्युजर्सीको ट्रेन्टनमा भइरहेको रात्री उत्सवमा गोली चल्दा कम्तीमा २२ जना घाइते भएका छन् । घाइते हुनेमा एकजना १३ बर्षका बालक समेत रहेका छन् ।

झण्डै एकहजार जना व्यक्ति खाना, कला र संगीतमा रमाइरहेको बेलामा २ जनाले अचानक गोली चलाउन सुरु गरेका थिए । गोली चलाउनेमध्ये ३३ बर्षको एकजनाको प्रहरीको जवाफी कारवाहीमा घटनास्थलमा नै मृत्यु भएको छ भने एकजनालाई प्रहरीले हिराशतमा लिएको छ ।

घाइतेहरुमध्ये ४ जनाको अवस्था गम्भिर रहेको जनाइएको छ । उनीहरुको उपचार जारी रहेको छ । गोली चलाउनुको उद्देश्य अहिलेसम्म पनि खुल्न सकेको छैन । तर घटनास्थलमा केहीथान बन्दुकहरु भेटिएका छन् ।

घटनास्थलभन्दा नजिकै एउटा कारज्याकको प्रयास भएको छ तर दुबै घटनाको सम्बन्ध भए नभएको बारे केही खुलेको छैन । शनिबार दिउसो सुरु भएको उत्सव आइतवार दिउसो सम्म चल्ने बताइएको थियो । तर गोली चलेपछि उत्सव रद्द भएको छ ।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com