बहुचर्चित चिनियाँ स्पेस स्टेशनको अवशेष दक्षिणी प्रशान्त क्षेत्रमा खस्यो
प्रकाशित मिति : चैत्र १९, २०७४ सोमबार
खगोलवैज्ञानिक जोनाथन म्याडावले ट्वीट गर्दै ‘टियान्गोङ्ग–१’ ग्रीनबीच मिन टाइम अनुसार विहान ८ बजेर १६ मिनेटमा पृथ्वीको वायुमण्डलमा प्रवेश गरेको बताएका छन् ।
१० मिटरको ‘विङ्गस्पान’ र आठ टन वजनको ‘टियान्गोङ्ग–१’ लाई सन् २०११ मा अन्तरीक्ष प्रयोगको लागि लन्च गरिएको थियो ।
अन्तरिक्ष पठाएर पृथ्वीको वायुमण्डलमा फर्केका मानब निर्मित बस्तुहरु मध्य यो कयैन गुणा ठूलो मानिएको थियो ।
अन्तरीक्षमा पठाइएको केहीपछि ‘टियान्गोङ्ग–१’ सँग चीनको सम्पर्क टुटेको थियो र यस कारणले यो मानवनियन्त्रण विनानै खसेको थियो।
यही कारण विज्ञहरुले यो अन्तरिक्ष स्टेशन कुनै बस्तीमाथि पनि खस्न सक्ने आशंका गरेका थिए ।
के थियो ‘टियान्गोङ्ग–१’ ?
चीनले सन् २००१ मा अन्तरिक्षमा यान पठाउन शुरु गरेका थियो र परीक्षणको लागि जनवरीमा यसलाई पठाइयो ।
यसपछि सन् २००३ मा चीनले अन्तरीक्षमा मान्छे पठायो । सोभियत संघ र अमेरिका पछि चीन अन्तरिक्षमा मान्छे पठाउने तेस्रो देश हो ।
सन् २०११ मा ‘द टियान्गोङ्ग– १’ बाट चीनले आफ्नो अन्तरीक्ष केन्द्रको कार्यक्रम शुरु ग¥यो । अन्य अन्तरीक्ष केन्द्रको हिसाबमा केही सानो यो केन्द्रमा अन्तरीक्षमा गएका वैज्ञानिकहरु केही दिन बस्नको लागि ठिक्क थियो ।
यसपछि चीनले आफ्नो पहिलो महिला अन्तरीक्ष यात्री लियू याङ्गलाई अन्तरिक्षमा पठायो ।
यसको दुई वर्ष पछि मार्च २०१६ मा यसले काम गर्न छाड्यो । त्यसबेला देखि नै अन्तरिक्ष क्षेत्रमा काम गर्नेहरु यसको खस्ने समय र स्थानको बारेमा चर्चा हुन थालेको थियो ।
यो भन्द अघि सन् १९७९ मा लगभग ८० टन वजनको ‘स्काइल्याव’ स्पेस स्टेशन पनि एक हिसाबमा अनियन्त्रित तरिकाबाट पृथ्वीमा खसेको थियो ।
त्यो समय त्यसको अवशेषको टुक्रा अस्टे«लियाका केही स्थानमा पाइएको थियो । तर त्यसले कसैलाई असर भने गरेन ।