भारी हिमपातका कारण सबै उडान स्थगित
प्रकाशित मिति : फाल्गुन १७, २०७४ बिहीबार
भारी हिमपाताका कारण जेनेभाको विमानस्थलमा बिहीबारका सबै उडानहरु स्थगित भएका छन् ।
कतिपय उडान रद्ध तथा अरु कैयौँ स्थगित भएका कारण कैयौँ यात्रु अलपत्र परेका समाचारमा जनाइएको छ ।
खराव मौसमको कारण उडानहरु अर्को सूचना जारी नभएसम्मका लागि बन्द रहने सम्बिन्धित अधिकारीहरुले जानकारी दिएका छन् ।
विमानस्थलका अधिकारीहरुका अनुसार यात्रुहरुलाई आफ्नो आधिकारीक सूचनामार्फत विमानस्थल नआउन भनिएको छ ।
बिहीबार बिहानैदेखि हिमपातको क्रम नरोकिएकोले अर्को सूचना प्रकाशन गरेर उडानको समयतालिका तय गरिने उड्डयन अधिकारीहरुले जनाएका छन् । (रासस÷एएफपी)