Follow @khasokhasmag

रूसी र अमेरिकी विमान किन त्यति नजिकबाट उडे?


प्रकाशित मिति : माघ १६, २०७४ मंगलबार

एउटा रूसी लडाकु विमान ‘ब्ल्याक सी’माथि अमेरिकी जासुसी विमानदेखि अति नजिकबाट उडेको छ।

एसयु-२७ लडाकु विमान र इपी-३ जासुसी विमान मात्र डेढ मिटरको दूरीमा उडेका हुन्।

अमेरिकी नौसेनाका अनुसार रूसी विमानले अमेरिकी विमानलाई दुई घण्टासम्म पछ्याएको थियो।

अन्तर्राष्ट्रिय आकाशमा उक्त घटना भएको बताइएको छ।

गतिविधि

रूसी रक्षा मन्त्रालयले अन्तर्राष्ट्रिय आकाशको प्रयोगसम्बन्धी नीति अनुसार नै आफ्ना गतिविधि भएको जनाएको छ।

रूसी र उत्तर एट्लान्टिक सन्धि संगठन (नेटो) गठबन्धन दुवैले साझा आकाशको प्रयोग गर्दै आएका छन्।

यद्यपि सन् २०१४ मा रूसले क्राइमियालाई गाभेपछि तनाव बढेको छ।

अमेरिकी नौसेनाले एउटा विज्ञप्ति जारी गर्दै आफ्नो देशको जासुसी विमानको मार्गमा रूसी लडाकु विमान प्रवेश गरेको जनाएको छ।

सचेत

उसले “रूसी सेनालाई अन्तर्राष्ट्रिय आकाशमा गतिविधि सञ्चालन गर्ने अधिकार भए पनि अन्तर्राष्ट्रिय मापदण्ड अनुरूप सुरक्षा सुनिश्चितता र दुर्घटना हुन नदिने काम गर्नुपर्ने” भन्दै सचेत गराएको छ।

अर्कोतर्फ रूसी रक्षा मन्त्रालयले “आफ्नो विमानको उडान मार्ग आकाश प्रयोग गर्न पाइने अन्तर्राष्ट्रिय नीति अनुरूप भएको” जनाएको छ।

उसले आफ्ना पाइलटहरूको व्यवहार कुनै तरिकाले पनि ‘मापदण्ड विपरीत’ नभएको र उनीहरूका गतिविधि “रूसी आकाशमा प्रवेश गर्ने अमेरिकी प्रयासलाई रोक्ने भएको” जनाएको छ।

रूसी सरकारले भनेको छ, अमेरिकी विमान रूसको सिमानादेखि टाढा गएपछि आफ्नो लडाकु विमान फर्केको थियो।

BBC Nepali

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com