फ्रान्समा १७ वर्षीय युवकको मृत्युपछि हंगामा, विभिन्न ठाउँमा हिंसात्मक प्रदर्शन
प्रकाशित मिति : असार १४, २०८० बिहीबार
FRANCE-POLICE-CRIME
फ्रान्सको राजधानी पेरिसमा ट्राफिक चेकजाँचका क्रममा १७ वर्षीय चालकको प्रहरीले गोली हानी हत्या गरेपछि लगातार दोस्रो दिन पनि हिंसात्मक प्रदर्शन जारी रहेको छ ।
ती किशोरीको नाम नाहेल एम रहेको बताइएको छ । ती युवकले गाडी चलाएको केही समयमै दुर्घटनामा परेका थिए । प्रहरीले उनलाई नजिकबाट गोली हानेको बताइएको छ ।
पेरिस प्रहरीले नयाँ हिंसाका “छिटपुट घटनाहरू” नियन्त्रणमा ल्याएको बताएको छ। टुलुजमा, प्रदर्शनकारीहरूले आगो लगाए र यसलाई निभाउन खोजिरहेका अग्निनियन्त्रकहरूमा ढुङ्गा हाने। उत्तरी फ्रान्सेली सहर लिलेमा पनि प्रदर्शनकारीको प्रहरीसँग झडप भएको छ ।
स्थानीय सञ्चारमाध्यमका अनुसार पश्चिमी सहर रेनेसमा मारिएका युवालाई श्रद्धाञ्जली दिन करिब ३०० मानिसहरू भेला भएका थिए। तीमध्ये धेरैले आगजनी पनि गर्न थाले । तर, प्रहरीले उनीहरुलाई तितरबितर पारेको थियो ।
फ्रान्सेली राष्ट्रपति इमानुएल म्याक्रोनले नाहेललाई गोली हानेको घटना ‘माफीको योग्य नभएको’ बताएका छन् । तर राष्ट्रपतिको यो भनाइप्रति प्रहरी युनियनले असन्तुष्टि जनाएका छन् । राष्ट्रपतिले हतारमा प्रहरीविरुद्ध राय बनाएको प्रहरी युनियनको दाबी छ ।