पाकिस्तानका युनिभर्सिटीमा विद्यार्थीले होली खेल्न पाउने, विवादपछि सरकारले हटायो प्रतिबन्ध
प्रकाशित मिति : असार ७, २०८० बिहीबार
पाकिस्तानी विश्वविद्यालयमा होली खेल्न प्रतिबन्ध लगाउने निर्णय फिर्ता लिइएको छ । आफ्नो आदेशप्रति असन्तुष्ट भएपछि पाकिस्तान सरकारले फिर्ता लिइएको हो । पाकिस्तानको प्रधानमन्त्रीको रणनीतिक सुधार इकाईका प्रमुख सलमान सुफीले शिक्षामन्त्री राणा तनवीर हुसैनले उच्च शिक्षा आयोग (एचईसी) लाई उक्त सूचना फिर्ता लिन आग्रह गरेको बताएका छन्।
पाकिस्तानका सञ्चारमाध्यमका अनुसार सूचनाको बारेमा मिडियामा खबर आएपछि सलमान सुफीले ट्वीट गर्दै राणा तनवीर साहिबसँग यस सम्बन्धमा कुरा गरेको बताएका थिए। उनले धार्मिक चाडपर्वलाई निरुत्साहित गर्ने एचईसीको सूचनालाई टिप्पणी गर्दै यसलाई फिर्ता लिन आग्रह गरेका थिए ।
बुधबार एचईसीका कार्यकारी निर्देशक शाइस्ता सोहेलले उपकुलपति र संस्थाका प्रमुखका लागि सूचना जारी गरेको खबर आएको थियो । विज्ञप्तिमा विश्वविद्यालयमा होली पर्व मनाउनुले चिन्ता पैदा गर्ने र हानिकारक हुने भन्दै देशको छविलाई असर गर्ने उल्लेख गरिएको थियो । आयोगले यस्ता गतिविधि मुलुकको सामाजिक–सांस्कृतिक मूल्य मान्यताभन्दा पूर्णतया फरक रहेको र देशको इस्लामिक पहिचानविरुद्धको कार्य भएको जनाएको छ ।
हालै कायदे आजम विश्वविद्यालयमा होली मनाइएपछि शिक्षा आयोगले विश्वविद्यालयमा होलीमा प्रतिबन्ध लगाउने निर्णय गरेको हो । यस विश्वविद्यालयमा मार्च ८ गते होली खेलिएको थियो । होली खेलेको भिडियो सामाजिक सञ्जालमा भाइरल भएको छ ।
भिडियोमा युनिभर्सिटीका विद्यार्थीहरू नाच्दै र एकअर्कामाथि रङ फालेको देखिएका छन् । त्यसमा संगीत पनि चर्को स्वरमा बजिरहेको थियो । शिक्षा आयोगको निर्णयपछि सामाजिक सञ्जालमा असन्तुष्टि देखिएको छ ।