Follow @khasokhasmag

चीनबाट आइपुग्यो भेरोसेलको ८ लाख डोज खोप, शुक्रबारदेखि ४० वर्षमाथिकालाई पनि लगाइने


प्रकाशित मिति : भाद्र ३, २०७८ बिहीबार

चीनबाट कोभिडविरुद्धको भेरोसेल खोपको आठ लाख डोज काठमाडौं आइपुगेको छ। नेपाल वायु सेवा निगमको वाइडबडी विमानमार्फत् बुधबार राति खोप आइपुगेको हो।

१६ लाख डोज खरिद गरिएकोमध्ये आठ लाख डोज पहिलो चरणमा आइपुगेको हो। बिहीबार साँझ थप आठ लाख डोज आउने स्वास्थ्य तथा मन्त्रालयले जनाएको छ। भेरासेल खोप पहिलो डोज लगाएर बसेकालाई लगाउने जनाइएको छ।

यस्तै आगामी शनिबार जापानबाट पनि अनुदानमा छ लाख डोज एस्ट्राजेनिका खोप आउँदैछ। प्राप्त भएको खोप प्राथमिकताका आधारमा लगाइने मन्त्रालयले जनाएको छ। अहिलेसम्म नेपालमा एक करोड १६ लाख डोज खोप प्राप्त भइसकेको छ। सरकारले असोजसम्म खोप लगाउन योग्य ३३ प्रतिशत नागरिकलाई पूर्ण खोप र चैतमसान्तसम्म लक्षित सबैलाई खोप लगाउने लक्ष्य राखेको छ।

अहिलेसम्म नेपालमा ४७ लाख ८५ हजार ९०२ जनाले पहिलो डोज र ३६ लाख ४९ हजार ७६० जनाले पूर्ण डोज खोप लगाइसकेका छन्।

शुक्रबारदेखि ४० वर्षमाथिकालाई पनि खोप
यस्तै, काठमाडौंमा ४० वर्षमाथिका नागरिकलाई पनि शुक्रबारदेखि कोभिड–१९ विरुद्धको भेरोसेल खोपको पहिलो डोज दिइने भएको छ।

स्वास्थ्य कार्यालय काठमाडौंका अनुसार भदौ ४–६ गतेसम्म सञ्चालन हुने खोप अभियानमा ४० वर्षमाथिका नागरिकलाई खोपको पहिलो मात्रा दिइने छ ।

त्यसैगरी, काठमाडौंमा १८ वर्षमाथिका ११ र १२ कक्षाामा अध्ययनरत र विश्वविद्यालय तहको परीक्षाको प्रवेशपत्र लिएका विद्यार्थी लाई पनि शुक्रबारदेखि नै खोप दिइने कार्यालयले जनाएकाे छ।

यी हुन् खोप केन्द्रहरु
१‌. सशस्त्र प्रहरी अस्पताल, बलम्बु
२. वीरेन्द्र सैनिक अस्पताल, छाउनी
३. राधास्वामी आइसोलेसन सेन्टर, सामाखुसी
४. नेपाल प्रहरी अस्पताल, महाराजगञ्ज
६. वीर अस्पताल, रत्नपार्क
७. निजामति कर्मचारी अस्पताल, वानेश्वर
८. परोपकार प्रसूती गृह तथा स्त्रीरोग अस्पताल, थापाथली
९. शिक्षण अस्पताल, महाराजगञ्ज
१०. काठमाडौं महानगरपालिकाका ३२ वटा वडाहरु र आवश्यकता अनुसार पालिकाले तोकेको थप खोप केन्द्र
११. अन्य नगरपालिकाको हकमा सोही पालिकाले तोकेको खोप केन्द्र

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com