बाइडेनले कार्यभार सम्हालेपछिको एकसातामा अमेरिकी अध्यागमन (राउण्डअप)
प्रकाशित मिति : माघ १५, २०७७ बिहीबार
अमेरिकी राष्ट्रपति जो बाइडेनले मार्च ३१ सम्म डिभी लोटरी लगायतका विभिन्न आप्रवासी र कामदार भिसामा लगाएको रोक कार्यकारी आदेशमार्फत खारेज गर्ने भएका छन् । महामारीका कारण उत्पन्न आर्थिक मन्दीमा अमेरिकी कामदारलाई संरक्षण प्रदान गर्न भन्दै पूर्व राष्ट्रपति डोनाल्ड ट्रम्पले मार्च ३१ सम्मका लागि विभिन्न प्रकारका आप्रवासी भिसा र कामदार भिसामा रोक लगाएका थिए ।
मार्च ३१ सम्म डिभी लोटरी लगायतका भिसामा लगाइएको रोक बाइडेनले खारेज गर्ने
जनवरी २२ देखि लागु हुने गरी बाइडेन प्रशासनले एकसय दिनसम्मका लागि निश्चित प्रकारका देशनिकालाका आदेश कार्यान्वयन स्थगित गरेकोमा संघीय अदालतले उक्त स्थगन कार्यान्वयनमा १४ दिने रोक लगाएको छ । मंगलबार एकजना संघीय न्यायाधिसले उक्त स्थगन कार्यान्वयनमा रोक लगाएका हुन् ।
देशनिकालामा बाइडेनले लगाएको सयदिने स्थगन कार्यान्वयनमा अदालतको अस्थायी रोक
अमेरिकी राष्ट्रपति जो बाइडेनले कोरोनाको महामारी फैलिनबाट रोक्ने उद्देश्यले ३० देशबाट अमेरिका आउनमा रोक लगाउने कार्यकारी आदेशमा हस्ताक्षर गरेका छन् । बाइडेनले युरोपका शेंगेन क्षेत्रका २६ देशहरु, यूके, आयरल्याण्ड, ब्राजिलसहित दक्षिण अफ्रिकालाई पनि प्रतिबन्धको सुचीमा थपेका छन् । चीन र इरानमाथि ट्रम्पले लगाएकै कार्यकारी आदेशको रोक जारी छ ।
कार्यकारी आदेशमार्फत बाइडेनले लगाए ३० देशबाट अमेरिका आउनमा रोक, कसकसलाई छुट?
अमेरिकी राष्ट्रपति जो बाइडेन समर्थित बिल अमेरिकी नागरिकता ऐन २०२१ मा मुख्य १२ वटा विषयहरु समावेश गरिएका छन् । जनवरी १, २०२१ भन्दा अगाडि अमेरिकामा रहेका कागजपत्रपविहिनलाई नागरिकताको बाटोमा लैजानेदेखि परिवारमा आधारित आवेदन स्वीकृत भएकाहरुलाई अमेरिकामा आएर परिवारसँगै बसेर ग्रिनकार्ड प्रतिक्षा गर्नसक्ने प्रावधान समेत बिलमा समावेश गरिएको छ ।
बाइडेन बिलका १२ प्रावधान : कागजपत्रविहिनलाई ग्रिनकार्ड, डिभीको संख्या बृद्धि, एसाइलम डेडलाइन समाप्ती
बाइडेनले कार्यभार सम्हालेको पहिलो दिन ५ वटा अध्यागमन सम्बन्धि कार्यकारी आदेशमा हस्ताक्षर गरे । बाल्यकालमा अमेरिका आएका कागजपत्रविहिनलाई संरक्षण प्रदान गर्ने डाका कार्यक्रमलाई सुदृढिकरण गर्ने आदेशमा बाइडेनले हस्ताक्षर गरे । सातवटा मुस्लिम बाहुल्य देशका नागरिक माथि ट्रम्प प्रशासनको यात्रा प्रतिबन्धलाई बाइडेनले उल्टाउने कार्यकारी आदेश जारी गरे ।
बाइडेनका १७ कदममा ५ अध्यागमनबारे: यात्रा प्रतिबन्ध खारेज, अध्यागमन कारवाहीमा रोक