अमेरिकाका ३७ राज्यमा फैलियो कोरोना, संक्रमितको संख्या झण्डै १ हजार
प्रकाशित मिति : फाल्गुन २७, २०७६ मंगलबार
अमेरिकाका कुल ५० मध्ये ३७ राज्य र वासिंटन डिसीमा कोरोनाको संक्रमण फैलिएको छ । मंगलबार साँझसम्म कोरोना संक्रमितको संख्या झण्डै १ हजार पुगेको छ ।
अमेरिकामा कोरोना संक्रमणबाट मृतकको संख्या ३० पुगेको छ । वासिंटन राज्यमा संक्रमितको संख्या २७० पुगेको छ ।
फ्याक्ट चेक : यसरी फैलिन्छ कोरोना भाइरस, मास्क लगाउने र अन्यले अपनाउनुपर्ने सावधानी
त्यस्तै क्यालिफोर्नियामा १७५ र न्युयोर्कमा १७३ मा कोरोना संक्रमण पुष्टी भएको छ । मासाचुसेट्समा संक्रमितको संख्या ९२ पुगेको छ ।
विमानमा यात्रा गर्दै हुनुहुन्छ ? यसरी रहनुहोस् कोरोनाबाट सुरक्षित
अमेरिकामा शनिबारयता हरेक दिन एकसयभन्दा धेरै नयाँ संक्रमणहरु घोषणा गरिदै आएको छ । अमेरिकाको पूर्व र पश्चिमी दुबै क्षेत्रका समुदायमा कोरोना संक्रमण बढ्दै गएको देखिएको छ । यद्यपी पश्चिमीक्षेत्रका राज्यहरुमा अझ बढी प्रकोप देखिएको छ ।
एउटै समुदायमा सबैभन्दा धेरै संक्रमित भएको भने न्युयोर्कको न्यु रशेलमा हो । त्यहाँ सुरुमा एकजना वकिलमा देखिएको कोरोनाको संक्रमण अहिले ११३ जनामा फैलिएको छ ।
कोरोना भाइरसबारे ५ हल्ला र सत्यकुरा : लिसा मारागाकिस, बरिष्ठ निर्देशक, जोन हप्किन्स मेडिसिन