फ्याक्ट चेक : यसरी फैलिन्छ कोरोना भाइरस, मास्क लगाउने र अन्यले अपनाउनुपर्ने सावधानी

कोरोना भाइरसको संक्रमणबारे विभिन्न भ्रमहरु रहेका छन् । तर कोरोना भाइरस संक्रमणको तरिकाबारे फैलिएका भ्रमलाई अमेरिकाको सेन्टर फर डिजिज कन्ट्रोल एण्ड प्रिभेन्सनले चिर्नलाई केही जानकारीहरु दिएको छ ।

सीडीसीका अनुशार यो भाइरस व्यक्तिबाट व्यक्तिमा फैलिन्छ । कोरोना संक्रमित व्यक्तिको ६ फिटभन्दा नजिकको सम्पर्कमा गएको खण्डमा कोरोना संक्रमित हुने सम्भावना रहन्छ । व्यक्तिले खोक्दा वा हाछ्यु गर्दा त्यहाँ मसिनो स्वासप्रवाहको थोपाहरु निस्कन्छ । उक्त थोपा नजिकको व्यक्तिको अनुहारको कुनै भाग वा नाकमा पर्नसक्छ । यदि खोक्ने वा हाछ्यु गर्ने व्यक्ति कोरोना सक्रमित छ भने र नजिकको व्यक्तिले त्यस्तो थोपा फोक्सोमा स्वासप्रश्वास भएमा कोरोना संक्रमण हुन्छ ।

यदि कुनै व्यक्ति बिरामी देखिदैन र लक्षणहरु देखिएका छैनन् भने पनि त्यस्तो व्यक्तिमा कोरोना संक्रमण भएको खण्डमा उसले अरुलाई संक्रमित बनाउनसक्छ । यद्यपी लक्षण देखिएका र बिरामी भइसकेकाहरुले छिटो संक्रमित गराउँछन् । लक्षण नदेखिदै पनि संक्रमित गराउनसक्ने देखिएकोभएतापनि यो नै संक्रमणको मुख्यमार्ग भने होइन ।

Loading...

यदि स्वस्थ्य व्यक्तिले कोरोना भाइरस भएको सतह वा कुनै बस्तु छोएको खण्डमा र त्यसपछि आँखा, नाक, मुखमध्ये कुनै अंगमा छोएको खण्डमा भाइरस संक्रमणको खतरा रहन्छ । तर यसलाई पनि संक्रमणको मुख्य मार्ग भने मानिएको छैन ।

कतिपय भाइरसहरु सजिलै अर्कोमा संक्रमण हुने बर्गमा पर्छन् भने कतिपय भाइरसहरु सजिलै सर्दैनन् । तर कोरोना भाइरस भने सजिलै सर्ने र समुदायमा फैलिने श्रेणीको भाइरस हो ।

Loading...

यसर्थ यदि तपाईले कोरोना भाइरस रहेको आशंका हुने कुनै नौलो सतह वा बस्तु छुनुभएको छ भने तत्कालै सेनिटाइजरको प्रयोग गर्नुहोला । कसैसँग हात मिलाइसकेपछि वा कसैलाई छोइसकेपछि सेनिटाइजरको प्रयोग नगरीकन वा राम्रोसँग हात नधोइनक आफ्नो अनुहारमा हात नलैजानुहोला ।

कोरोना भाइरसबारे ५ हल्ला र सत्यकुरा : लिसा मारागाकिस, बरिष्ठ निर्देशक, जोन हप्किन्स मेडिसिन

यदि तपाईले मास्कको प्रयोग गर्नुभएको छ भने कुनै सतह वा व्यक्तिलाई छोइसकेपछि हातमा सेनिटाइजर नलगाइन अनुहारमा हात लगेर मास्क नमिलाउनुहोला । खोक्दा वा हाछ्यु गर्दा मुख छोपेर गर्नुहोला । साथै खोक्ने वा हाछ्यु गर्ने व्यक्तिको नजिक नजानुहोला ।

यदि तपाईले मास्क लगाउनुभएको छ तर तपाईको नजिकमा रहेको कोरोना संक्रमितले खोक्दा वा हाछ्यु गर्दा त्यसको रेस्पोरेटोरी ड्रपलेट तपाईको अनुहारको कुनै भागमा परेमा तपाईलाई कोरोना संक्रमण हुनसक्छ । त्यस्तै यदि तपाईले मास्क लगाउनुभएको छ र कोरोना भाइरस रहेको कुनै सतह वा व्यक्तिलाई छोइसकेपछि हातमा सेनिटाइजर नलगाइन अनुहारमा हात लगेर मास्क मिलाउनुभयो भने पनि तपाईलाई कोरोना सक्रमण हुनसक्छ ।

Loading...

सीडीसीको सहयोगमा

भिडियो हेर्नुहोस्


Loading...

प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

Contact Us

NYS DOS ID : 5255258

© 2019 KHASOKAHS. Namaste Media Inc. All Rights Reserved.
Khasokhas is not responsible for the content of external sites.
DEVELOPED BY appharu.com
WP2Social Auto Publish Powered By : XYZScripts.com