नेपाली जनसम्पर्क समिति पोर्चुगलको सभापतिमा महामन्त्री घिमिरेको दावी

नेपाली कांग्रेसको प्रवासी भातृ सँगठन नेपाली जनसम्पर्क समिति पोर्चुगलको पाँचौं अधिबेशन नजिकिएसँगै चुनावी चर्चा शुरु भएको छ ।

चुनावी चर्चाकावीच समितिका महामन्त्री बिनोद घिमिरेले आगामी कार्यकालका लागि सभापति पदमा उम्मेदवारी दिने भएका छन् ।

यही जुलाई २३ तारिखका दिन लिस्बनमा हुन गईरहेको समितिको पाँचौ अधिबेशनमा आफूले सभापति पदमा उम्मेदवारी दिने घिमिरेले बताएका हुन् ।

एक कार्यकाल कार्यसमिति सदस्य र पछिल्लो दुई कार्यकाल महामन्त्रीका रुपमा समितिको नेतृत्व तहमा रहेर काम गरेका घिमिरेले आफूलाई सभापति पदको बलियो उम्मेदवारका रुपमा प्रस्तुत गरेका छन् ।

समितिको नेतृत्व गर्ने पालो सरासर आफ्नै भएका कारण सभापतिको आँकाक्षी भएको घिमिरेको भनाई छ । उनले सँगठनका लागि आफूले गरेको काम, योगदान र निरन्तरको सकृय क्रियाशीलतालाई मूल आधार बनाएर सभापति पदको दाबेदारी प्रस्तुत गरेका छन् ।

‘संगठनको स्थापनाकालदेखि नै म हरेक गतिबिधीमा सकृय भएर लागि परेका छु ।’ घिमिरेले भने,’मैले उम्मेदवारी दिने निश्चित हो, उल्लेख्य साथीहरुले मलाई सर्मथन गर्नुभएको छ । अब अझै शसक्त भएर लाग्ने प्रतिबद्धताका साथ समितिको नेतृत्वमा आउन चाहेको हुँ ।’

आफूलाई शसक्त उम्मेदवारका रुपमा प्रस्तुत गरेका घिमिरेले सहमतिमा नेतृत्व चयन भए आफूलाई पनि स्वीकार्य भएको प्रतिक्रिया दिए । तथापी सहमती सर्बस्वीकार्य हुनुपर्नेमा उनको जोड छ ।

घिमिरेका अनुसार पोर्चुगलमा रहेका नेपाली कांग्रेससँग आस्थावान् सबैलाई सँगठित गर्ने, यहाँ क्रियाशील सबै संघसंस्थासँग सहकार्य र समन्वय गर्ने, नेपालीहरुका समस्या समाधानका लागि सँगठनात्मक ढँगबाट पहल गर्ने लगायतका योजनाका साथ अघि बढेका छन् ।

विद्यार्थी जीवनदेखि नै नेपाली काँग्रेसको राजनीतिमा सकृय भएका घिमिरे नेपाल बिद्यार्थी संघ अर्घाखाँचीका पूर्व जिल्ला सदस्य समेत हुन् ।

अधिबेशनले आगामी २ वर्षे कार्यकालका लागि नयाँ नेतृत्व चयन गर्नेछ ।

आइतवार, असार २५, २०७४ मा प्रकाशित

सम्बन्धित सामाग्री



अमेरिकामा नेपाली र नेपाली सम्बन्धित कानुनी कार्यालयहरु

क्षेत्री एण्ड एसोसिएट्स पीसी

ल अफिस अफ बासुदेव फूलारा

मुनगोभन एण्ड एसोसिएट्स 

श्रेष्ठ ल फर्म

ल अफिस अफ केशवराज सेडाई

ल अफिस अफ गिरिजा प्रसाद गौतम



Like us on Facebook
error: Content is protected !!