न्युयोर्क निवासी २९ बर्षीया टिकटक स्टार इभा इभान्सले झुण्डिएर प्राण त्यागिन्
प्रकाशित मिति : बैशाख १२, २०८१ बुधबार
न्युयोर्क निवासी २९ बर्षीया टिकटक स्टार इभा इभान्सले झुण्डिएर प्राण त्यागेकी छिन् । उनको शव अपार्टमेन्टमा झुण्डिएको अवस्थामा फेला परेको साथीले देखेपछि प्रहरीलाई खबर गरेका थिए । इभा इभान्सले कुनै पनि मानसिक स्वास्थ्य समस्याको सामना गरिरहेकोबारे आफूले थाहा नपाएको उनको निवासको चाबी समेत भएका साथीले प्रहरीले बताएका थिए ।
घटनास्थलमा एउटा नोट फेला परेको बताइएको छ । उनको टिकटकमा ३ लाखभन्दा बढी फ्लोअर छन् भने इन्स्टाग्राममा झण्डै ३० हजार फ्लोअर रहेका छन् । इभान्सको मृत्यु पहिलो पटक उनकी बहिनी लिलाले इन्स्टाग्राम मार्फत घोषणा गरेकी थिइन्।
इभान्सको मृत्यु ३६ वर्षीया टिकटक स्टार काइल मारिसा रोथको निधन भएको केही दिनपछि भएको हो। रोथको मुख्य टिकटक एकाउन्ट गत महिना प्लेटफर्मबाट हटाइएको थियो भने उनले हालै अप्रिल ७ मा नयाँ एकाउन्टबाट पोष्ट गरेकी थिइन् । त्यसको केहीदिनमा उनले आफ्नो ज्यान लिएकी हुन् ।
इभान्सले अमेजन प्राइम भिडियो वेब शृंखलामा पनि निर्देशन र अभिनय गरेकी थिइन्, जुन गत वर्ष पाँच भागका साथ सार्वजनिक भएको थियो । उनको मृत्युको खबर फैलिएपछि इभान्सलाई चिन्नेहरूले श्रद्धांजलि व्यक्त गरेका थिए ।