न्युयोर्कमा ट्रेनमा टाउको अड्किएकी महिला देख्नेहरुले यसरी गरे वेवास्ता

मंगलबार न्युयोर्कसिटीको ट्रेन स्टेशनमा एकजना महिला ट्रेनको ढोकामा अड्किएपनि देख्नेहरुले गरेको वेवास्ताको सर्वत्र आलोचना भइरहेको छ ।

एकजना महिला ट्रेनबाट बाहिर निस्कने क्रममा ढोकामा उनको घाँटी च्यापिएको थियो । घाँटी च्यापिएर ट्रेनको ढोकामा अड्किएको देख्नेहरुले वेवास्ता गरेर हिडेको भिडियो सामाजिक सञ्जालमा भाइरल बनिरहेको छ । ब्रोंक्सको उडलन स्टेनशनमा ४ नम्बर ट्रेनको ढोकामा ती महिलाको टाउको अड्किएको थियो ।

यस्तो देख्नेहरुले कुनै प्रतिकृया नजनाई हिड्नुलाई मानवीयताको संकटका रुपमा हेरिएको छ । ट्रेनमा टाउको अड्किएको थाहा पाएपछि एमटीएले उनलाई उपचार गराइदिने आग्रह गरेपनि ती महिलाले त्यस्तो आग्रह अस्वीकार गरेकी थिइन् ।

टाउको अड्किएपनि महिलालाई कुनै चोटपटक नलागेको बताइएको छ ।

शनिबार, चैत्र २६, २०७३ मा प्रकाशित

सम्बन्धित सामाग्री