पुरुषबाट बलात्कृत हुने पुरुषलाई कानुनी सहायताको अभाव

महिला र बालबालिकाबिरुद्ध हुने यौन अपराधबारे धेरैले चासो र चर्चा गर्दै आएपनि पुरुषबाट पुरुषमाथि हुने बलात्कारका बारेमा भने कमै चर्चा हुने गरेको पाइन्छ । सामान्यतया पुरुषहरु बलात्कृत  हुन सक्दैनन् भन्ने आम धारणा रहेको पाइन्छ, जुन गलत हो । वास्तवमा पुरुषहरु पनि पुरुषबाट बलात्कृत हुने गरेका छन् ।

पुरुषहरु बलात्कृत भएका घटना समाचारमा त्यही आउदैनन् । किनभने पुरुषमाथि भएका बलात्कारका घटनाको अपवाद स्वरुपमात्र समाचार लेखिने गरेको छ । अर्कातर्फ पुरुषमा कथित पौरुषत्व प्रबृत्ति सामेल भएका कारण पनि यस्ता घटना सार्वजनिक हुँदैनन् । कथित पौरुषत्व प्रबृत्तिकै कारण पुरुषहरु आफूमाथि भएको यौन दुराचार सार्वजनिक गर्न र कानुनको सहायतामाग्न लाज मान्छन् ।

गतबर्षको एउटा सर्वेक्षणमा बाल यौन दुराचारमा पर्नेहरुमा अधिकांश बालकहरु रहेको पाइएको थियो । बयस्क पुरुषहरुका साथमा पनि यौन दुराचारको दर उच्च रहेको छ । सन् २०१५ मा भारतमा पुरुष कैदीहरुबाट बलात्कृत एकजना पुरुष कैदीले आत्महत्याको प्रयास समेत गरेका थिए ।

अमेरिकी अधिकारकर्मी जोन स्टक्सले भारतमा काम गर्ने क्रममा यस्ता कैयन केसहरु उनीसमक्ष आएका थिए, जसमा पुरुषहरु नै पुरुषबाट बलात्कृत थिए । तर पीडितहरुलाई कुनै कानुनी सहायता प्राप्त भएको थिएन । पुरुषमाथि हुने बलात्कारलाई सामान्य यौन सम्बन्धका रुपमा मात्र लिने परिपाटी रहेको छ, जुन गलत हो । कानुनी रुपमा पनि पुरुषमाथि हुने बलात्कारमा भेदभाव गरिएको छ । अब पुरुषमाथि भएको बलात्कारलाई पनि खुलेर बाहिर ल्याउने बेला भइसकेको छ ।

पुरुषमाथि हुने बलात्कारका घटनामा पीडित समलिंगीमात्र नभई स्ट्रेट (विषमलिंगी) हरु पनि हुने गरेका छन् । पुरुषबाट बलात्कृत पुरुषलाई समलिंगीको दृष्टीकोणबाट हेरिनु गलत हो । अझ भारतमा समलिंगी यौन सम्पर्कलाई नै अपराध मानिने भएकाले कुनै पुरुषमाथि पुरुषबाट भएको बलात्कारको मुद्दा दर्ता गराउनु नै मुस्किल छ । तर कहिलेकाँही पुरुषको बलात्कार उसको पौरुषत्वको अपमानका लागि समेत हुने गरेको छ ।

बरिष्ठ पत्रकार शिवम बिजको रिपोर्टमा आधारित ।

मङ्लबार, माघ ९, २०७४ मा प्रकाशित

Leave a Reply

Your email address will not be published. Required fields are marked *

सम्बन्धित सामाग्री

WP Facebook Auto Publish Powered By : XYZScripts.com