प्रेमको अर्को रुप ? यि जापानीले गरे भर्चुअल होलोग्रामसंग विवाह
प्रकाशित मिति : कार्तिक २९, २०७५ बिहीबार
जापानका एक व्यक्तिले होलोग्रामसँग विवाह गरेका छन् । हाचुने मिकु नामक भर्चुअल रियालिटी गायीकासँग आकिहिको कोण्दो नामका व्यक्तिले विवाह गरेका हुन् । विवाहपश्चात उनी जापान सहित विश्वभरिका धेरै समाचारहरुमा चर्चाको विषय बनेका छन् भने सामाजिक संजालमा विभिन्न तरिकाले उनको चर्चा भैरहेको छ ।
विरालो आकारको स्टफ्ड गुडियासँगको विवाहमा कोण्दोका कोही पनि आफन्तको उपस्थिती त थिएन, तर उनको विवाह करीब ४० जना अन्य पाहूना भने थिए ।
टोकियो हलमा एक औपचारिक समारोहबीच कोण्दोले एनिमेटेड मिकुसँग गरेको विवाह आगन्तुकका लागि आश्चर्यको विषय बनेको थियो । विवाहमा करीब २० लाख येन भएको बताइएको छ ।
आफूले सधैं मिकुलाई माया गर्ने गरेको र सधैं उसैका बारेमा मात्रै सोचिरहेको कोण्दोले बताए । मार्चदेखि कोण्दो मिकुको घुम्ने र बोल्ने होलोग्रामसँग बस्दै आएका थिए । यो एकप्रकारको भर्चुअर रियालिटीको प्रयोग गरि बनाएको एसिस्टेन्ट हो ।
उनी आफूलाई अन्य सामान्य विवाहित व्यक्ति जस्तै मान्छन् र उनकी होलोग्राफिक पत्नीले उनलाई विहान उठाउने र उनलाई काममा पठाउने गरेको उनले बताए ।
कोण्दो जापानको एक विद्यालयमा विद्यालय प्रशासकका रुपमा काम गर्छन् । कोण्डोको विवाहले कानूनी मान्यता पाउने सम्भावना एकदमै न्यून भए पनि यसले आफूलाई केही पनि फरक नपार्ने उनले बताएका छन् ।
मिकुलाई फिचर गर्ने होलोग्राम निर्माता कम्पनी गेटबक्सले विवाह प्रमाणपत्र जारी गरेको छ जसले मानव र भच्र्युअल क्यारेक्टरबीचको विवाहलाई ‘आयामभन्दा पर’ को संज्ञा दिएको छ । यस्तो प्रकारको प्रमाणपत्र पाउने कोण्दो एक्लो भने होइनन् ।
गेटबक्सले ३ हजार ७ सय भन्दा बढीको संख्यामा यस्तो प्रमाणपत्र जारी गरेको छ । एनिमेशनप्रति पागल जापान जस्तो राष्ट्रमा पनि कोण्दोको यो विवाहले सबैलाई आश्चर्यमा पारिदिएको छ ।