बेचबिखनको आरोप लागेका मोस्ट वान्टेड अभियुक्तलाई पक्राउ गरी नेपाल ल्याइयो
प्रकाशित मिति : जेष्ठ १०, २०७५ बिहीबार
चेलिबेढी बेचविखनको अभियोगमा इन्टरपोलबाट रेड कर्नर नोटिस जारी गरिएका सिन्धुपाल्चोक ठुलोपाखरका श्याम कुमार लामालाई प्रहरीले पक्राउ गरी नेपाल ल्याएको छ। प्रहरीले उनलाई बिहिबार प्रक्राउ गरि नेपाल ल्याएको हो।
प्रहरीले उनकी श्रीमती मिना लामालाई ६ गते नेपाल ल्याएको थियो। दुवै जनाविरुद्ध इन्टरपोलले रेड कर्नर नोटिस जारी गरेको थियो।
उनीहरुले बैदेशिक रोजगारीका नाममा धेरै नेपाली युवतीहरुलाई कुवेतमा लगेर बिक्रि गरेको प्रहरीले जनाएको छ। एक पीडितले गत भदौमा महानगरीय अपराध महाशाखामा उजुरी दिएकी थिइन्।
प्रहरीले सुरुमा विजय तामाङलाई पक्राउ गरेको थियो । उनबाटै अनुसन्धान गर्ने क्रममा श्याम र मिनाले कुवेतमै बसेर धेरैलाई बिक्रि गरेको खुलेको हो।