Follow @khasokhasmag

‘महाराष्ट्रमा भाजपा र शिव सेनाकै सरकार बन्नुपर्छ’


प्रकाशित मिति : कार्तिक २०, २०७६ बुधबार

भारतको महाराष्ट्र राज्यमा केन्द्रीय सत्तारुढ दल भारतीय जनता पार्टी (भाजपा) र शिव सेनाले सरकार बनाउने देखिएको छ ।

निर्वाचनका बेला गठबन्धन गरेका यी दुई दलले सरकारमा पनि भागबण्डा गर्ने अनुमान गरिएको छ ।

केन्द्रीय मानव स्रोत विकास मन्त्री संजय साम्राओ धोत्रेले महाराष्ट्रका जनताले भाजपा र शिव सेनाको संयुक्त सरकार देख्न चाहेको बताउनुभयो ।

भाजपा र शिव सेनाका बीचमा शक्ति बाँडफाँडको विषयलाई लिएर विवाद भइरहेका बेला उहाँले दुवै मिलेर सरकार बनाउनु जनताको चाहना भएको बताउनुभएको हो ।

“हामी निर्वाचनमासँगै थियौँ, त्यसैले महाराष्ट्रका जनताले हामी सरकारमा पनि सँगै भएको हेर्न चाहेका हुन,” उहाँले बुधबार भन्नुभयो ।

उहाँले अहिले सामान्य विवाद र विमति जस्तो देखिए पनि अन्त्यमा दुवै मिलेर सरकार बनाउने विश्वास पनि व्यक्त गर्नुभयो ।

संयुक्त सरकार नबनाएमा जनताको अभिमतको बेवास्ता गरेको ठहरिने तर्क गर्दै उहाँले भाजपा र शिव सेनाको संयुक्त सरकारको विकल्प नभएको दाबी पनि गर्नुभयो ।

उहाँले आज, भोलि मात्र नभई अरू २५ वर्ष भाजपा र शिव सेनासँगसँगै रहने उहाँको भनाइ छ ।

केही हप्ता अगाडि भएको निर्वाचनमा भाजपाले एक्लै १०५ सिटमा जित हासिल गरेर सबैभन्दा ठूलो पार्टी बनेको छ भने शिव सेना ५६ सिटमा विजयी भएको छ । कूल २८८ सिटका लागि भएको निर्वाचनको नतिजा गत अक्टोबर २४मा घोषणा गरिएको थियो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com