भर्जिनिया संसदमा तोडियो रिपब्लिकन पकड, दुबै सदनमा डेमोक्रेटिक बहुमत
प्रकाशित मिति : कार्तिक १९, २०७६ मंगलबार
मंगलबार भएको निर्वाचनमा भर्जिनियाको संसदका दुबै सदनमा डेमोक्रेटिक पार्टीले बहुमत ल्याएको छ । यसअगाडि दुबै सदनमा रिपब्लिकनको बहुमत रहेको थियो ।
मंगलबारको चुनावमा भर्जिनियाको सिनेटका ४० सिटमध्ये २१ सिटमा डेमोक्रेटिक पार्टीले विजय हासिल गरेको छ । १९ सिट भने रिपब्लिकनले जितेको छ ।
त्यस्तै भर्जिनिया संसदको तल्लो सदनमा पनि डेमोक्रेटिक पार्टी नै बहुमत ल्याएको छ । कुल सय सिटमध्ये डेमोक्रेटिक पार्टीले ५३ सिटमा विजय हासिल गरिसकेको छ भने एक सिटमा अग्रता हासिल गरिरहेको छ । त्यस्तै रिपब्लिकनले ४३ सिटमा विजय हासिल गरेका छन् भने २ स्थानमा अग्रता लिइरहेका छन् ।
भर्जिनियामा यसपटक इतिहास रचिएको छ । राज्य संसद र गभर्नर अफिसमा डेमोक्रेटिक पार्टीले एकैपटक नियन्त्रण कायम गरेको सन् १९९३ यता यो नै पहिलो पटक हो ।