आक्रमण अगाडि डीएनए जाँच्न कुर्दिस जाजुसले चोरेका थिए बगदादीको कट्टु
प्रकाशित मिति : कार्तिक १२, २०७६ मंगलबार
इस्लामिक स्टेटका नेता अबु बकर अल बगदादीमाथि आक्रमण अगाडि कुर्दिस जासुसले उनी बस्ने घरको कम्पाउण्डबाट उनको कट्टु चोरेको खुलासा भएको छ । बगदादी डीएनए परीक्षणका लागि कट्टु चोरिएको जनाइएको छ ।
त्यही कट्टुको डीएनएएको आधारमा बगदादी त्यहाँ भएको पत्ता लगाइएको थियो भने टाउको विनाको शरिर बगदादीकै भएको पुष्टी गरिएको थियो । बगदादीले आफू बस्ने स्थान छिटो छिटो परिवर्तन गर्ने र त्यहाँबाट पनि अर्को स्थानमा जाने सम्भावना भएकाले उनी सर्नु अगाडि नै कुर्दिस अण्डरकभर बगदादीको कम्पाउण्डमा छिरेर कट्टु चोर्न सफल भएका थिए ।
बगदादीको मृत्युको घोषणा गर्दै गर्दा अमेरिकी राष्ट्रपति डोनाल्ड ट्रम्पले बगदादीमाथिको आक्रमणमा कुर्दिसहरुले महत्वपूर्ण सहयोग गरेको बताएका थिए । बगदादी भाग्दै निकाश नभएको टनेलमा छिरेर आत्मघाती भेष्ट विष्फोट गराएर मरेको जनाइएको छ ।
बगदादीको टाउको शरिरबाट छुटेपनि छिन्नभिन्न भने नभएकाले कमाण्डोले अनुहार चिन्ने प्रविधि र बायोमेट्रिक मार्फत मारिने व्यक्ति बगदादी नै भएको पुष्टी गरेका थिए । बगदादीको डीएनए नमुना संकलन गरिएको र मारिने व्यक्ति बगदादी नै भएको परीक्षणबाट १५ मिनेटमा नै पत्ता लागेको थियो ।