यस्तो छ मोदी र ओलीबाट नेपाल भारत पेट्रालियम पाइपलाइनको उद्घाटन तयारी

भारतीय प्रधानमन्त्री नरेन्द्र मोदी र नेपालका प्रधानमन्त्री केपी शर्मा ओलीले संयुक्त रुपमा नेपाल भारत पेट्रालियम पाइपलाइनको उद्घाटन गर्ने भएका छन् । दुवै देशका प्रधानमन्त्रीद्वयले आ–आफ्नो देशबाट भिडियो कन्फरेन्समार्फत स्वीच थिचेर मंगलबार भल्व खोल्ने भएका हुन् ।

जसका लागि भारततर्फका ३ वटा र नेपालतर्फका ३ वटा गरेर जम्मा ६ वटा क्यामेरा राखिएको छ । पेट्रोलियम पाइपलाइनमार्फत हाललाई डिजेलमार्फत उपलब्ध हुने बताइएको छ । भारतको मोतिहारीदेखि नेपालको अमलेखगञ्जसम्म ७० किलोमिटर लामो पाइपलाइन दुई देशबीचको पहिलो पाइपलाइन हो ।

१ करोड ६० लाख लिटर क्षमता भएको उक्त प्रोजेक्ट २ सय ७५ करोडको लागतमा बनेको हो । ३० महिना भनिएको उक्त प्रोजेक्ट १९ महिनामा सकिएको हो । भोलि १२ बजे दुवै देशका प्रधानमन्त्रीले स्वीच थिचेर पेट्रोलियम पाइपलाइन संचालनमा ल्याउने कार्यक्रम छ ।

भारतीय प्रधानमन्त्री मोदीले पाइपलाइन उद्घाटनको पूर्व सन्ध्यामा ट्विट गर्दै पेट्रोलियम पाइपलाइन नेपाल भारत निकट द्विपक्षीय सम्बन्धको प्रतिक भएको बताएका छन् । मोतिहारी अमलेखगञ्ज पाइपलाइन दक्षिण एशियाको पहिलो पाइपलाइन भएको भन्दै मोदीले यो पुरै क्षेत्रमा ऊर्जा सुरक्षा र दिगो रुपमा पारवहन खर्च कटौति गर्ने बताएका छन् ।

उद्घाटनको तयारीबारे खसोखासका लागि दीपेन्द्र ढुंगानाले खिचेका केही तस्वीरहरु ।


प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

Contact Us

NYS DOS ID : 5255258

© 2019 KHASOKAHS. Namaste Media Inc. All Rights Reserved.
Khasokhas is not responsible for the content of external sites.
DEVELOPED BY appharu.com
WP2Social Auto Publish Powered By : XYZScripts.com