Follow @khasokhasmag

बन्द भएका बैंकका एटीएम सञ्चालनमा, सम्बन्धित बैंकको एटीएमबाटमात्र रकम झिक्न मिल्ने


प्रकाशित मिति : भाद्र १५, २०७६ आईतबार

अनधिकृत रुपमा रकम निकाल्ने पाँच चिनीयालाई प्रहरीले पक्राउ गरेसँगै बैंकका एटिएम अनिश्चितकालका लागि बन्द गरिएका अधिकांश बैंकका एटीएम संचालनमा आएका छन् । प्रभु बैंक र एनआईसी एशिया बैंकका एटीएमहरु भने संचालनमा आएका छैनन् ।

एटीएम सेवा चले पनि अर्को बैंकको एटिएमबाट पैसा निकाल्न भने बन्द भएको बैंकहरुले बताएका छन् ।

नेपाली बैंकका एटीएम मेसिन ह्याकरको निशानामा परेपछि बैंकहरुले आफ्नो एटिएम सेवा  बन्द गरेका थिए ।

नेपाल इलेक्ट्रोनिक पेमेन्ट सिस्टम्स लिमिटेड नेप्स  को प्रणालीलाई नै चिनियाँ गिरोहले ह्याक गरेपछि कार्डबाट बिल तिर्नमा पनि ग्राहकहरुलाई समस्या भएको थियो ।

एनआइसी एसिया र प्रभु बै‌ंकको सिस्टम नै ह्याक गरिएको छ भने नबिल बैंकबाट ठूलो मात्रामा नगद झिकिएको छ । गएराति प्रहरीले पक्राउ ५ चिनियाँ नागरिकलाई एटिएकबाट अनाधिकृत रुपमा रकम निकाल्दै गर्दा समातेको थियो ।

प्रहरीले उनीहरुको साथबाट १ करोड २६ लाख २९ हजार ४५ रुपैयाँ नेपाली रुपैयाँ र ९ हजार अमेरिकी डलर बरामद गरेको छ । बरामद गरिएको सबै रकम बैंकका खातावालाको एकाउन्टबाट निकालिएको खुलेको छ ।

नेपालका केही बैंकहरुले प्रयोगमा ल्याएको नेपाल इलेक्ट्रोनिक पेमेन्ट सिस्टम्स लिमिटेड नेप्स  को प्रणालीलाई नै चिनियाँ गिरोहले ह्याक गरेको खुलेपछि  एटिएमहरु बन्द गरिएको थियो ।

प्रारम्भिक अनुसन्धानमा ६ वटा बैंकबाट गरी करिब ५ करोड रुपैया झिकिएको फेला परेको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com