जापानमा कर वढ्दैछ, कसरी तयार रहने?
प्रकाशित मिति : पुस ७, २०७५ शनिबार
आगामी वर्षको अक्टोबर १ देखि जापानको उपभोग कर ८ प्रतिशतबाट बढेर १० प्रतिशतमा पुग्दैछ । यद्यपि कर वृद्घिको भविष्य अझै पनि अनिश्चित नै भए पनि प्रधानमन्त्री सिञ्जो आवेले भने कर वृद्घिको घोषणा गरिसकेका छन् । कर वृद्घि जापानीहरुका लागि ठूलो टाउको दुखाईको विषय पनि हुन सक्छ । करवृद्धिले जापानीहरुका लागि मात्र नभई विदेशीहरुका लागि पनि थप खर्चभर बढाउँछ । करवृद्घि पछि आफ्नो जीवनशैलीमा के कस्ता परिवर्तन गर्नुपर्छ भन्ने बारे आजको लेखमा जानकारी दिने प्रयास गरिएको छ ।
१. कर किन बढ्छ?
जापानले कर बढाउनु पछाडिका मुख्य कारण यसप्रकार छन्ः
– बढेको कर भारी वर्षा, आँधी र भूकम्पका कारण क्षतिग्रस्त क्षेत्रको पुर्निर्माणका लागि राष्ट्रिय बजेटमा जोडिन्छ ।
– जापानको बढ्दो वृद्ध जनसंख्या र घट्दो जन्दमदर जस्ता मुद्धाहरुको सहयोग गर्ने सामाजिक सुरक्षा प्रणालीमा खर्च गर्न राष्ट्रिय बजेटमा थपिन्छ ।
– न्यून आम्दानी हुनेहरुका लागि निःशुल्क प्रि विद्यालय, प्रि किण्डरगार्डेन, कलेज र प्रणाली आदीमा सहयोग गर्ने राष्ट्रिय बजेटमा जोडिन्छ ।
जापानमा कर वृद्घिले सबै मानिसलाई पक्कै पनि प्रभवित त पार्छ नै तर यसले महत्वपूर्ण क्षेत्रमा सहयोग पनि गर्छ ।
२. सबै कुराको भाउ बढ्दैन
आगामी कर वृद्घिले सबै कुराको भाउ बढ्दैन । अक्टोबर १ देखि पनि ८ प्रतिशत नै उपभोग कर लाग्ने केही वस्तुहरु निम्न छन् ।
– स्न्याक्स, तरकारी, मिठाइ,मासु, माछा फलफुल आदी ।
– पानी र गैर मदिराजन्य पेय पदार्थ ।
– विद्यालय खाजा वा रिटायरमेण्ट घर खाना ।
यदि तपाइ सधैं आफ्ना परिवार र आफ्ना लागि घरमा खाना बनाउनुहुन्छ भने तपाइको थुप्रै पैसा वचत हुन्छ र कर वृद्घिले तपाइलाई केही पनि फरक पार्दैन ।
३.प्रमुख असरहरु के के हुन्?
केही केही कुरामा भने कर वृद्घिले ठूलै प्रभाव पार्न सक्छन् । ती हुन्ः
– वियर, वाइन, जापानी सेक, स्किट सेक
– होटलको रुम सर्भिस
– होटल रेष्टुराँमा खाएको खानेकुरा
– कन्भिनियन्सबाट स्टोरबाट खरिद गरिने पत्रिका वा पुस्तक र सामान
– सम्पत्ति खरिद
– घरपालुवा जनावरको खाना
४. पारिवारिक आर्थिक अवस्थाको पुनर्विचार गर्ने उपयुक्त समय
कर वृद्घिको समय पारिवारिक आर्थिक अवस्थाबारे पुर्नर्विचारका लागि पनि उपयुक्त समय हो । यसका लागि निम्न कुराहरुबारे सोच्न सकिन्छ ।
– सेलफोन रेट प्लानको पुनः जाँच गर्ने
सेलफोनमा आफूले लिएको भुक्तानी योजनाबारे पुनः एकपटक विचार गर्नुपर्छ । आफ्नो योजना कर वृद्घिपछि पनि उपयुक्त हुन्छ कि हुँदैन भनेर एकपटक फेरी विचार गर्ने
– आफू तयार भएपछि मात्रै घर खरिदको योजना बनाउने
आगामी वर्ष कर बढ्नु अगाडि नै घर खरिद गर्ने धेरैको योजना हुनसक्छ । यदि तपाइ कुनै सम्झौताबीना नै घर खरिद गर्न लाग्नुभएको हो भने यो एकदमै सहि समय हो । होइन भने हतार गर्नु ठीक होइन । विस्तारै सोचेर र आफू साँच्चिकै घर खरिदका लागि तयार भएपछि मात्रै खरिद प्रकृया अघि बढाउनुपर्छ ।