एक वर्षमा ८८ वटा गगनचुम्बी भवन बनाउने संसारकै पहिलो देश
प्रकाशित मिति : मंसिर २८, २०७५ शुक्रबार
चीनले एक वर्षमा २०० मिटर उचाईका ८८ वटा गगनचुम्बी बनाएर संसारमै धेरै गगनचुम्बी बनाउने देशमा पहिलो देश बनेको छ । निर्माण क्षेत्रबारे जानकारी राख्ने कम्पनी काउन्सिल अफ टल बिल्डिङ्स एण्ड अर्बन हेबिटेटका अनुसार अग्ला भवन निर्माणमा यो आंकडा ऐतिहासिक हो । अर्बन ह्याबिटेटको अनुसार विश्वभरी १४३ गगनचुम्बी भवन बनेका छन् । जसमा २०१७ मा मात्रै १४७ वटा अग्ला भवन बने । भने २०१८ मा चीनमा ६१.५ प्रतिशत नयाँ भवन बने । जसमध्ये दक्षिण चीन को शेनझेनमा १४ वटा बनाइयो । यो सहरले दुबई, बेइजिङ र न्यूयोर्क जस्ता सहरलाई जितेर संसारकै सबैभन्दा राम्रो सहरको सूचिको पहिलो नम्बरमा परेको छ ।
चीन यून नाम दिएको एउटा भवनको उचाई १,७३१ फिट (५२८ मिटर) रहेको छ । जुन संसारके सबैभन्दा अग्लो भवन मध्येको आठौँ स्थानमा रहेको छ । यो वर्ष अग्ला भवन निर्माण गर्ने देशहरुमा एशियाली मुलुकहरुको दबदबा रहेको छ ।जसमध्ये हो चीमिन्ह सिटी (भियतनाम), चाङ्ग्शा आदि पर्छन् । यी ठाउँमा पछिल्लो वर्षको १२ महिनामा १३१२ फिट (४०० मिटर) अग्लो भवन निर्माण भएको छ ।दक्षिण अमेरिकामा ब्यूनस आयर्स (अर्जेन्टिना), बोगोटा (कोलम्बीया) जस्ता अग्ला भवनहरु बनाइएका छन्। सान्फ्रान्सि स्को र मियामीमा क्रमशः सेल्सफोर्स टावर ३२६ मिटर (१०७० फिट) र पैनोरमा टावर २५२ मिटर (८२७ फिट) बनेका छन् ।
यो वर्ष एशियाली मुलुकभन्दा बाहिर फिलाडेल्फियामा बनेको ३४२ मिटर (११२१ फिट) अग्लो कान्मकास्ट टेक्नोलोजी सेन्टर उक्त सहरकै सबैभन्दा अग्लो भवन हो । सीटीबीयूएचका रिपोर्टको अुनसार सन् २०१९ मा संसारमा १२० मिटर देखि १५० मिटर सम्मको भवन मात्रै निर्माण गर्न सकिने भएतापनि अग्ला भवन निर्माण प्रतिष्पर्धाको रुपमा निर्माण हुन थालेका छन् । चीनको सन्दर्भमा यसरी अग्ला गगनचुम्बी भवन निर्माणले चीनको अर्थतन्त्रमा भारी असर पार्ने सम्भावना रहेको छ । रिपोर्ट भन्छ, ‘ चीनलाई अग्लो भवन निर्माण गर्न प्रतिवन्ध लाग्न पनि सक्छ । विश्वव्यापी निर्माण उद्योगको अनुसार स्टील आयातमा चीनले कठिनाईहरुको समाना गर्नुपर्ने हुन्छ । ’