Follow @khasokhasmag

मिस वर्ल्डमा श्रृंखलाको बलियो दावेदारी


प्रकाशित मिति : मंसिर २२, २०७५ शनिबार

धेरैको ध्यान चीनको सान्यामा केही समयपछि हुने ‘मिस वर्ल्ड–२०१८’को फाइनलतिर मोडिएको छ । जहाँ मिस नेपाल श्रृंखला खतिवडा बलियो दाबेदारीको रुपमा प्रस्तुत भएकी छन् ।

 

नेपाली समयअनुसार आज अपराह्न ३ः१५ बजेदेखि मिस वर्ल्ड २०१८ को ग्राण्ड फिनाले प्रारम्भ हुनेछ । प्रतियोगितालाई स्टार वर्ल्ड र मिस वर्ल्डको यूट्युब च्यानलबाट प्रत्यक्ष हेर्न सकिन्छ ।

श्रृंखलाले मिस वर्ल्डमा ‘मल्टी मिडिया’ र ‘ब्यूटी विद अ पर्पस’ गरी दुई टाइटल जित्दै अन्तिम ३० सम्मको यात्रा तय गरेकी हुन् ।

‘ब्यूटी विद अ पर्पस’को टाइटललाई मिस वर्ल्डपछिको महत्वपूर्ण टाइटल मानिन्छ । मिस वर्ल्डको मञ्चमा पुगेर नेपालले यी टाइटल र यस्तो सफलता पाएकोे पहिलो पटक हो ।

यो उपलब्धीसँगै श्रृंखला प्रतियोगिताको शीर्ष स्थानका लागि प्रबल दावेदारीका रुपमा देखापरेको सौन्दर्य प्रतियोगिताको समीक्षा गर्ने विभिन्न अन्तर्राष्ट्रिय सञ्चार माध्यमले जनाएका छन् ।

मिस वर्ल्डको वेवसाइटअनुसार ब्यूटी विद व पर्पस विधामा २५ भिडियो सर्ट लिस्ट गरिएको थियो । श्रृंखलाको गृहजिल्ला समेत रहेको मकवानपुरको चेपाङ बस्तीका बारेमा उनले बनाएको ‘डिजाइन्स एन्ड बिल्ड्स हेल्थ सेन्टर फर रिमोट भिलेज’ शीर्षकको भिडियोले श्रृंखलालाई उक्त सफलता दिलाएको हो ।

समाजिक सञ्जालमा पाएको मत, मौलिक प्रतिक्रिया र दुईवटा टाइटल जितेसकेकोले मिस वर्ल्डमा श्रृंखलाको दाबेदारी बलियो देखिएको छ ।

श्रृंखलालाई हौसला प्रदान गर्न उनकी आमा मुनु सिग्देल र बुवा बिरोध खतिवडा पनि चीन पुगेका छन् ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com