मिस वर्ल्डको ‘हेड टु हेड च्यालेन्ज’को उपाधी जिते मिस नेपाल श्रृखंला खतिवडाले…


प्रकाशित मिति : मंसिर १५, २०७५ शनिबार

विश्व सुन्दरी प्रतियोगितामा नेपालले हंगामा मच्चाएको छ । प्राप्त भोट मध्ये आफ्नो पक्षमा ३५ दशमलव ५ प्रतिशत भोट प्राप्त गर्दै नेपालले हंगामा मच्चाएको हो ।

नेपालको तर्फबाट सहभागिता जनाएकी श्रृखंला खतिवडाले अहिले सम्म ३५ दशमलव ५ प्रतिशत भोट प्राप्त गर्न सफल भएसँगै उनि हेड टु हेड च्यालेन्ज उपाधी मिस नेपाल श्रृखंला खतिवडाले जितेकी छन् । यस संगै टप २० मा परेका छन् । उनले विश्व सुन्दरीको ताज नेपाल आउनेमा नेपाली थप विश्वस्त भएका छन् ।

विश्व सुन्दरी प्रतियोगिता आयोजकले पनि नेपालले अधिक भोट प्राप्त गरेको आधिकारिक रुपमै जानकारी दिएको छ । नेपालकी छोरी श्रृंखलाले ३५ प्रतिशत भोट प्राप्त गर्दा अघिल्लो बर्षको मल्टीमिडियो अवार्ड र मिस पपुलर अवार्ड जित्ने मंगोलियाले मात्रै ११ दशमलव चार भोट ल्याएको छ ।

तेस्रो स्थानमा रहेको भियतनामले भने ९ प्रतिशत भोट ल्याएको खुलासा भएको छ । विश्वको दोस्रो धेरै जनसख्या भएको देश भारतले भने जम्मा ८ प्रतिशत भोट ल्याएको छ । भारतले नेपालको भन्दा २७ प्रतिशत भोट कम प्राप्त गरेको छ ।

पाँचौ स्थानमा रहेको थाइल्याण्डले भने जम्मा ४ प्रतिशत भोट प्राप्त गरेको छ । १ सय २१ देशका सुन्दरी सहभागी भएको प्रतियोगितामा अन्यले भने चार प्रतिशत भन्दा कमनै भोट प्राप्त गरेका छन् ।

नेपाले यो सिजनमा नयाँ रेकर्ड नै राख्ने गरी भोट गरेको खुलासा भएको छ । भोटको रेसियो हेर्दाको ‘मोबस्टार एप’मा नेपाल पहिलो नम्बरमा छ भने ‘विश्व सुन्दरी वेभ भोट’ मा नेपालले ४० दशमलव ०६ प्रतिशत कब्जा जमाएको छ ।

त्यस्तै ‘मोडल पावर वेभ भोट’मा नेपालले ४३ हजार ६ सय ४६ भोट प्राप्त गर्न सफल भएको छ । ‘फेसवुक पेज’ मार्फ नेपालले ४ लाख ६५ हजार २ सय ३४ भोट प्राप्त गरेको छ । यसले पुरै नेपाल श्रृखंलाको पक्षमा हरेको स्पष्टै देखाएको छ ।

श्रृंखला जित तर्फ उन्मुख रहँदै गर्दा आइरहेका तथ्यहिन समाचारले भने दुखी बनाएको उनकी आमा मुनु सिग्देलले बताएकी छन् । उनले श्रृंखलाकै पक्षमा लेखिएको समाचार भएपनि तथ्यमा आधारित हुनुपर्नेमा जोड दिएकी छन् ।

बलात्कारपछि हत्या भएकी कञ्चनपुरकी १३ बर्षीय बालिका निर्मला पन्तको बारेमा सोधिएको प्रश्नमा उनले निर्मला र श्रृंखला दुबै नेपालको छोरी भएको बताईन् । उनले निर्मलाको न्यायको लागि श्रृंखला पनि लडिरहेको बताएकी छन् ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com